Connect with us

Hi, what are you looking for?

နိုင်ငံတကာ

အီရန် နျူကလီးယား အဆောက်အအုံတွေဟာ လွယ်ကူတဲ့ ပစ်မှတ်တွေ ဖြစ်လာပြီလို့ အစ္စရေး ကာကွယ်ရေး ဝန်ကြီးသစ်ဆို

အီရန်ရဲ့ နျူကလီးယား အဆောက်အအုံတွေဟာ ဘယ်တုန်းကမှနဲ့ မတူလောက်အောင် လွယ်ကူတဲ့ ပစ်မှတ်တွေ ဖြစ်လာနေပြီလို့ အစ္စရေး ကာကွယ်ရေး ဝန်ကြီးအသစ်က ပြောကြားလိုက်ပါတယ်။

အီရန်ရဲ့ နျူကလီးယား အဆောက်အအုံတွေဟာ ဘယ်တုန်းကမှနဲ့ မတူလောက်အောင် လွယ်ကူတဲ့ ပစ်မှတ်တွေ ဖြစ်လာနေပြီလို့ အစ္စရေး ကာကွယ်ရေး ဝန်ကြီးအသစ်က ပြောကြားလိုက်ပါတယ်။

ဝန်ကြီးချုပ် ဘင်ဂျမင် နေတန်ညာဟုနဲ့ မူဝါဒရေးရာ အငြင်းပွားမှုတွေကြောင့် ဖယ်ရှားခံခဲ့ရသူ ယိုယက်ဗ်ဂဲလန့် နေရာမှာ ဆက်ခံတဲ့ အစ္စရေးကတ်ဇ်က အစ္စရေးဟာ အီရန်ရဲ့ နျူကလီးယား အဆောက်အအုံတွေကို တိုက်ခိုက်ချင်တယ်ဆိုရင် အရမ်းရိုးရှင်း လွယ်ကူတဲ့ အနေအထားမျိုးကို တွေ့နေရပြီလို့ လူမှုကွန်ရက် မီဒီယာ Xမှာ ရေးသားခဲ့ပါတယ်။

အစ္စရေး နိုင်ငံရဲ့ လုံခြုံရေးကို ထိပါးနိုင်တဲ့ ပြင်ပ ခြိမ်းခြောက်မှု မှန်သမျှကို ချေမှုန်းပစ်ရေးဆိုတဲ့ အစ္စရေးရဲ့ ဦးစားပေး ရည်မှန်းချက် အောင်မြင်ဖို့ အခုဆိုရင် လက်တစ်ကမ်းလောက်ထိ နီးစပ်လာနေပြီလို့ ကတ်ဇ်က ဆိုပါတယ်။

ကတ်ဇ်ရဲ့ မှတ်ချက်ဟာ အခုနှစ်အတွင်း အီရန်က အစ္စရေးကို ဒုံးကျည်တွေနဲ့ အစုလိုက် ပစ်ခတ် တိုက်ခိုက်ခဲ့တဲ့ နှစ်ကြိမ်အတွင်း အစ္စရေးက လက်တုံ့ပြန်ရာမှာ အီရန်ရဲ့ လေကြောင်းကာကွယ်ရေး စနစ်တွေကို ဖျက်ဆီးပစ်နိုင်ခဲ့ကြောင်း သတင်းတွေနဲ့လည်း ဆက်စပ်ဖွယ် ရှိပါတယ်။

Public Service Announcement

Public Service Announcement

သတင်းတွေအရ အစ္စရေးဟာ အီရန်အတွက် ရုရှားက ထောက်ပံ့ပေးထားတဲ့ S-300 လေကြောင်းကာကွယ်ရေး စနစ်အားလုံးကို ဖျက်ဆီးနိုင်ခဲ့ပြီး အဲဒီ အခြေအနေက အီရန်ရဲ့ လေကြောင်းရန် ကာကွယ်မှု စွမ်းရည်ကို သိသိသာသာ ချိနဲ့သွားစေတယ်လို့ သိရပါတယ်။

အစ္စရေး စစ်တပ်ကတော့ အဲဒီ စစ်ဆင်ရေးတွေအတွင်း ရန်သူရဲ့ ဘယ်လို ပစ်မှတ်တွေကို ချေမှုန်းခဲ့သလဲ ဆိုတာကို တိတိကျကျ မှတ်ချက်ပေးမထားပါဘူး။

အစ္စရေးက အီရန်ဟာ နျူကလီးယား လက်နက်တွေ တည်ဆောက်ဖို့ ကြံစည်နေတယ်လို့ နှစ်အတော်ကြာ စွပ်စွဲနေခဲ့ပြီး အီရန်ကတော့ စွမ်းအင်ကဏ္ဍ အတွက်သာ နျူကလီးယား နည်းပညာကို အသုံးပြုဖို့ ရည်ရွယ်ထားတာပါလို့ တုံ့ပြန် ငြင်းဆိုထားပါတယ်။

ကိုးကား: NDTV

ဆက်စပ်သတင်းများ

နိုင်ငံတကာ

မဲမသမာမှု၊ မဲခိုးမှုတွေကြောင့်သာ ဝန်ကြီးချုပ် ဘင်ဂျမင် နေတန်ညာဟုဟာ အစ္စရေး ရွေးကောက်ပွဲမှာ ပြတ်ပြတ်သားသား အနိုင်မရခဲ့တာ ဖြစ်တယ်လို့ သူ့ရဲ့ ပါတီက စွပ်စွဲ ပြောကြားလိုက်ပါတယ်။

နိုင်ငံတကာ

ကနဦး မဲရေတွက်မှု ရလဒ်တွေအရ အစ္စရေး ရွေးကောက်ပွဲဟာ ကြိုတင် မျှော်လင့်ထားတဲ့အတိုင်း တိတိကျကျ အဖြေမပေါ်ဘဲ ကျဉ်းထဲကျပ်ထဲ အခြေအနေမျိုး ကြုံလာမယ့် ရလဒ်ဆီ ဦးတည်နေကြောင်း သိရပါတယ်။

နိုင်ငံတကာ

အောက်တိုဘာ ၂၇ ရက်နေ့မှာ ကျင်းပမယ့် အစ္စရေး ရွေးကောက်ပွဲမှာ ဝန်ကြီးချုပ် ဘင်ဂျမင် နေတန်ညာဟုက အာဏာလက်လွတ် ဆုံးရှုံးသွားနိုင်တယ်လို့ ထင်ကြေးတွေ ထွက်ပေါ်နေပေမယ့် အတိုက်အခံတွေ ဖက်မှာလည်း အစိုးရ ဖွဲ့နိုင်လောက်အောင် ရှင်းလင်းတဲ့ အင်အားစုမျိုး မတွေ့ရသေးပါဘူး။ ရွေးကောက်ပွဲ နီးကပ်လာခဲ့တဲ့ ပြီးခဲ့တဲ့ ရက်ပိုင်းတွေအတွင်း...

နိုင်ငံတကာ

ဥရောပကို နျူကလီးယား လက်နက်တွေနဲ့ လွှမ်းခြုံ အကာအကွယ် ပေးနိုင်ဖို့အတွက် ပြင်သစ်ဟာ ဥရောပ ၁၀ နိုင်ငံနဲ့ ဆွေးနွေးမှုတွေ လုပ်ဆောင်နေကြောင်း သိရပါတယ်။

Facebook