အာဆီယံ ရေတပ်တွေရဲ့ စစ်သင်္ဘော ၁၀ စီး မလေးရှားမှာ စုဝေး

အရှေ့တောင်အာရှ နိုင်ငံများ အစည်းအရုံး (အာဆီယံ)ရဲ့ ရေတပ်ဖွဲ့များ စုဝေးမှု အစီအစဉ်အရ မလေးရှား နိုင်ငံမှာ နိုင်ငံစုံ ရေတပ်သင်္ဘော ၁၀ စီး စုဝေးနေပါတယ်။

အာဆီယံ ရေတပ်မြို့တော်များ စုဝေးခုတ်မောင်းမှု (ANCP) အစီအစဉ် မတိုင်ခင်မှာ ပီနန်းမြို့ရဲ့ အက်စ်ပလန်ဒေး ဧရိယာမှာရှိတဲ့ ဆွက်တမ်ဟမ် ဆိပ်ခံဧရိယာမှာ ရေတပ်သင်္ဘောတွေ ရောက်ရှိနေကြတာ ဖြစ်ပါတယ်။

အဲဒီထဲက ၇ စီးဟာ တခြားအာဆီယံ အဖွဲ့ဝင် နိုင်ငံတွေဆီက စေလွှတ်တာဖြစ်ပြီး ၃ စီးကတော့ မလေးရှား တော်ဝင်ရေတပ်ရဲ့ ရေယာဉ်တွေလို့ ဆိုပါတယ်။ စစ်သင်္ဘော ၁၀ စီးပေါ်မှာ စုစုပေါင်း အမှုထမ်း ၁၆၀၀ လောက်ထိ တာဝန်ထမ်းဆောင်နေကြတာပါ။

တခြား အာဆီယံ နိုင်ငံတွေဖြစ်တဲ့ စင်ကာပူ၊ ဖိလစ်ပိုင်၊ အင်ဒိုနီးရှား၊ ဗီယက်နမ်၊ ထိုင်းနဲ့ ဘရူနိုင်းတို့က ရေတပ်သင်္ဘောတွေ စေလွှတ်ခဲ့ပြီး အာဏာသိမ်း စစ်ကောင်စီရဲ့ မြန်မာရေတပ်ကလည်း UMS ဆင်ဖြူရှင် ဖရီးဂိတ် စစ်သင်္ဘောကို ပို့ဆောင်ခဲ့ပါတယ်။

Public Service Announcement

ပီနန်မှာတော့ တစ်ပတ်အတွင်း အဓိက နေရာသုံးခုမှာ အာဆီယံရဲ့ ရေတပ်အခမ်းအနားတွေ ကျင်းပဖို့ စီစဉ်ထားပါတယ်။ မလေးရှား ရေတပ်က ANCPရဲ့ ရည်ရွယ်ချက်ဟာ ရေတပ် ထုံးတမ်းစဉ်လာတွေ၊ လုပ်ဆောင်မှုတွေကို လူထုနဲ့ ပိုမို ထိတွေ့ပေးနိုင်ဖို့ ရည်ရွယ် အကောင်အထည် ဖော်တာလို့ ပြောပါတယ်။

ANCPရဲ့ အစိတ်အပိုင်း တစ်ခုအဖြစ် လာမယ့် သီတင်းပတ်မှာ အာဆီယံ အဖွဲ့ဝင် နိုင်ငံအသီးသီးရဲ့ ရေတပ် အကြီးအကဲတွေဟာလည်း ရေကြောင်း လုံခြုံရေး၊ ငြိမ်းချမ်းရေး၊ ဒေသတည်ငြိမ်ရေး ကိစ္စတွေကို ပီနန်ရဲ့ ရှန်ဂရီလ ရာဆာ ဆာယန် အပန်းဖြေ စခန်းမှာ တွေ့ဆုံ ဆွေးနွေးကြမယ်လို့ သိရပါတယ်။

ကိုးကား: The Star