ဇွန်-၂၅၊ ၂၀၂၆။ People’s Spring
ဒီနေ့ မနက်မစောပိုင်းက ကမ္ဘာ့ဖလားပြိုင်ပွဲရဲ့ အုပ်စု-A၊ B နဲ့ C တို့ အုပ်စုနောက်ဆုံးပွဲစဉ်တွေ ယှဉ်ပြိုင်ကစားခဲ့ကြရာ အိမ်ရှင်နိုင်ငံတွေဖြစ်တဲ့ မက္ကဆီကို၊ ကနေဒါတို့ နောက်တဆင့်ကို တက်ရောက်နိုင်ခဲ့ပါတယ်။ အုပ်စု A ရဲ့ အုပ်စုဗိုလ်အဖြစ် မက္ကဆီကို၊ ဒုတိယနေရာက တောင်အာဖရိက၊ အုပ်စု B ရဲ့ အုပ်စုဗိုလ်အဖြစ် ဆွစ်ဇာလန်၊ ဒုတိယနေရာက ကနေဒါ၊ အုပ်စု C ရဲ့ အုပ်စုဗိုလ်အဖြစ် ဘရာဇီး၊ ဒုတိယနေရာက မော်ရိုကိုတို့က နောက်တဆင့်ကို တက်ရောက်နိုင်ခဲ့ကြတာ ဖြစ်ပါတယ်။
အာရှထိပ်သီးအသင်းတသင်းဖြစ်တဲ့ တောင်ကိုရီးယားကတော့ တောင်အာဖရိကို ၁ ဂိုး ဂိုးမရှိနဲ့ ရှုံးနိမ်ခဲ့တာကြောင့် ကမ္ဘာ့ဖလားပြိုင်ပွဲကို နောက်တဆင့်တက်ဖို့ မျှော်လင့်ချက် နည်းသွားခဲ့ပြီ ဖြစ်ပါတယ်။ မက္ကဆီကိုကတော့ ချက်အသင်းကို ၃ ဂိုးပြတ်အနိုင်ရပြီး အုပ်စု သုံးစလုံးအနိုင်ကစားကာ ရမှတ် ၉ မှတ်နဲ့ ရှုံးထွက်အဆင့်ကို တက်လှမ်းခဲ့တာပါ။
အုပ်စု B မှာ ဆွစ်ဇာလန်က ကနေဒါကို ၂ ဂိုး ၁ ဂိုးနဲ့ အနိုင်ယူပြီး အုပ်စုဗိုလ်ရယူခဲ့ပါတယ်။ ဘော့စနီးယားက ကာတာကို ၃ဂိုး ၁ဂိုးနဲ့ အနိုင်ကစားပြီး အုပ်စု တတိယအကောင်းဆုံးအသင်းထဲကနေ နောက်တဆင့်တက်ဖို့ အခွင့်အလမ်းကောင်း ရခဲ့ပါတယ်။
Public Service Announcement
အုပ်စု C မှာ နာမည်ကြီး ဘရာဇီးက စကော့တလန်ကို ၃ ဂိုးပြတ် အနိုင်ကစားပြီး အုပ်စုဗိုလ်နေရာယူခဲ့သလို မော်ရိုကိုကလည်း ဟေတီကို ၄ ဂိုး ၂ ဂိုးနဲ့ အနိုင်ကစားပြီး နောက်တဆင့်တက်ရောက်နိုင်ခဲ့ပါတယ်။
