Connect with us

Hi, what are you looking for?

နိုင်ငံတကာ

ထိုင်းမှာ ရေကြီးနေတဲ့ ပြည်နယ်တွေဆီ စစ်သည်အင်အား ၁၀၀၀၀ ကျော် ပို့ဆောင်ထား

ထိုင်းနိုင်ငံက ရေကြီးမှုဒဏ် ခံနေရတဲ့ ပြည်နယ်တွေဆီ ကယ်ဆယ်ရေးနဲ့ အကူအညီပေးရေး လုပ်ငန်းတွေမှာ ပါဝင်ဖို့ စစ်သည် ၁၀၀၀၀ ကျော် ဖြန့်ကျက် စေလွှတ်ထားကြောင်း သိရပါတယ်။

ဓာတ်ပုံ - AFP

ထိုင်းနိုင်ငံက ရေကြီးမှုဒဏ် ခံနေရတဲ့ ပြည်နယ်တွေဆီ ကယ်ဆယ်ရေးနဲ့ အကူအညီပေးရေး လုပ်ငန်းတွေမှာ ပါဝင်ဖို့ စစ်သည် ၁၀၀၀၀ ကျော် ဖြန့်ကျက် စေလွှတ်ထားကြောင်း သိရပါတယ်။

ထိုင်းရဲ့ မြောက်ပိုင်း၊ အရှေ့ပိုင်း၊ အလယ်ပိုင်းနဲ့ အရှေ့မြောက်ပိုင်းက စုစုပေါင်း ပြည်နယ် ၁၂ ခုမှာ ရေကြီးမှုတွေ ကြုံနေကြောင်း သဘာဝ ဘေးအန္တရာယ် ကြိုတင်တားဆီးရေးနှင့် လျှော့ချရေးဌာန (DDPM)က ကြေညာပါတယ်။

စစ်တပ်က တပ်ဖွဲ့ဝင်တွေ စေလွှတ်ပေးထားသလို သူ့ရဲ့ဌာနကလည်း ဒေသဆိုင်ရာ အာဏာပိုင်တွေနဲ့ ပူးပေါင်း အလုပ်လုပ်ဖို့ ကျွမ်းကျင်သူတွေ၊ အကြီးစား စက်ယန္တရားတွေ ပေးပို့ထားတယ်လို့ DDPM အတွင်းရေးမှူးချုပ် တီရာပတ် ကွတ်ချာမတ်သ်က ပြောကြားခဲ့ပါတယ်။

လက်ရှိမှာတော့ ရေဘေးသင့် ဧရိယာတွေမှာ ကူညီကယ်ဆယ်ရေးတွေ ဆောင်ရွက်နေသလို အန္တရာယ် အများဆုံး ဇုန်နေရာတွေမှာ နေထိုင်သူတွေကိုလည်း အရေးပေါ် ရွှေ့ပြောင်းပေးနေတယ်လို့ သိရပါတယ်။

Public Service Announcement

Public Service Announcement

ရေကြီးနေတဲ့ ပြည်နယ်တွေကတော့ ဖက်ချာဘွန်၊ နတ်ခွန်ဆာဝမ်၊ ဥထိုင်းဌာနီ၊ ဆင်ဘူရီ၊ ဆူဖန်ဘူရီ၊ ဆာရာဘူရီ၊ အယုဒ္ဓယ၊ ချန်သာဘူရီ၊ ချချန်းစောင်၊ စကယောက်၊ ထရတ်နဲ့ ဆူရင်တို့ ဖြစ်ပါတယ်။

စက်တင်ဘာ ၂၆ ရက်နေ့ မနက်ပိုင်းကစလို့ ထိုင်းရဲ့မြို့တော် ဘန်ကောက်မှာလည်း ရေဆင်း တူးမြောင်းတွေပါ ရေပြည့်ကုန်လို့ ရေကြီးရေလျှံမှုတွေ ဖြစ်ပေါ်နေပြီး ရာသီဥတုဆိုင်ရာ အရေးပေါ် အခြေအနေတွေပါ ကြေညာထားရပါတယ်။

DDPMက လေဖိအားနည်း ရပ်ဝန်းတစ်ခုရဲ့ သက်ရောက်မှုကြောင့် စက်တင်ဘာ ၂၇ ရက်ထိ နိုင်ငံအရှေ့ပိုင်း၊ အရှေ့မြောက်ပိုင်းနဲ့ အလယ်ပိုင်း ဒေသတွေမှာ မိုးသည်းသည်းထန်ထန် ဆက်ရွာနိုင်ကြောင်း သတိပေးထားပါတယ်။

အကျိုးဆက်အဖြစ် ရေကြီးတာ၊ တောင်ကျရေတွေ ရုတ်တရက် စီးဆင်းတာ၊ မြေပြိုတာ၊ မြစ်ရေလျှံတာတွေ ကြုံနိုင်တယ်လို့လည်း DDPMက ထုတ်ပြန်ထားပါတယ်။

ကိုးကား: Bangkok Post

ဆက်စပ်သတင်းများ

သတင်း

နယ်စပ်တိုက်ပွဲ​တွေ ပြင်းထန်​လာလို့ယာယီခိုလှုံဖို့စခန်း​၄ခုမယ်ဟောင်ဆောင်မှာပြင်ဆင်

သတင်း

မြန်မာရွှေ့ပြောင်း အလုပ်သမားတွေရဲ့ အခွင့်အရေးအတွက် တက်ကြွလှုပ်ရှားတောင်းဆိုသူ တစ်ဦးအဖြစ် ထင်ရှားတဲ့ဆူရတ် (ဝီရဆဲန်ထောင်) ကို ထိုင်းတရားရုံး တစ်ခုက ဖမ်းဝရမ်း ထုတ်လိုက်တယ်လို့ ထိုင်းသတင်းဌာန​တွေက​ဖော်ပြပါတယ်။

သတင်း

ထိုင်းမှာတရားဝင် နိုင်ငံခြားသားအလုပ်သမား ၄.၂ သန်းကျော်ရှိပြီး မြန်မာနိုင်ငံသားက ၃.၃၃ သန်းကျော်ရှိ​​

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။