Connect with us

Hi, what are you looking for?

သတင်း

ပို့ကုန်ရ​ငွေပြန်ယူလာ​ပေးသူများကို နိုင်ငံကြီးသားပီသသူဟု စစ်ကောင်စီဆို

ပို့ကုန် ကုမ္ပဏီ ၅၉ခုကို အမည်ပျက်စာရင်းမှ ပယ်ဖျက်

စောနွေဦး/People’s Spring

ပို့ကုန်ရငွေများကို ပြည်တွင်းဘဏ်စာရင်းသို့ပြန်ယူလာသည့် ကုမ္ပဏီ ၅၉ခုမှ ဒါရိုက်တာများကို အမည်ပျက်စာရင်းမှ ပယ်ဖျက်ကြောင်း နှင့် ကုမ္ပဏီများအနေဖြင့် နိုင်ငံကြီးသားပီသစွာပို့ကုန်ရငွေများ ပြည်တွင်းကိုပြန်လည်ယူဆောင်လာရမည်ဟု စစ်ကောင်စီဗဟိုဘဏ်က ယနေ့ထုတ်ပြန်သည်။

ပို့ကုန်ရငွေများ ပြန်ယူလာရန် ကျန်ရှိသည့် ကုမ္ပဏီ ၁၃၇ ခုကို စစ်ကောင်စီက ၂၀၂၂ဇွန်လတွင် အမည်ပျက်စာရင်းသွင်းခဲ့သည်။ ထိုကုမ္ပဏီများထဲမှ စစ်ကောင်စီအလိုကျ ပို့ကုန်ရ​ငွေ ပြန်ယူလပေးသည့်ကုမ္ပဏီ၅၉ခုမှ ဒါရိုက်တာများကိုအမည်ပျက်စာရင်းမှ ပယ်ဖျက်ပေးခြင်းဖြစ်သည်။

ထိုပြင်စစ်ကောင်စီဗဟိုဘဏ်က ယခုနှစ် နိုဝင်ဘာလကုန်အထိ ကုမ္ပဏီများအနေဖြင့် ပို့ကုန်ရငွေများ ပြည်တွင်းကို မပျက်မကွက်ယူလာကြရန်နှင့် နိုင်ငံကြီးသားပီသစွာလိုက်နာဆောင်ရမည်ဟုလည်း ဆိုသည်။

Public Service Announcement

Public Service Announcement

“နိုင်ငံခြားငွေရဖို့ ကုန်သည်တွေကို ချော့လိုက်၊ခြောက်လုပ်နေတာပါ။ အခုချိန်မှာ နိုင်ငံရေးစီးပွားရေးအတွက် မူဝါဒအတိုင်းလုပ်တာမျိုးမဟုတ်ဘဲနဲ့ သူတို့ နိုင်ငံခြားငွေရဖို့ကိုပဲ အားစိုက်လုပ်နေတာလေ”ဟု ပို့ကုန်လုပ်ငန်းရှင်တစ်ဦးကပြောသည်။

ထိုပြင် စစ်ကောင်စီက ပို့ကုန်ရငွေများကို သတ်မှတ်ကာလအတွင်း ပြန်လည်ယူဆောင်လာပါက ၂၅ ရာခိုင်နှုန်းကိုသာ တစ်ဒေါ်လာ ၂၁၀၀ ကျပ်ဖြင့်ဝယ်ယူမည်ဖြစ်ပြီး ကျန် ၇၅ ရာခိုင်နှုန်းကိုဈေးကွက်ပေါက်ဈေးအတိုင်းအရောင်းအဝယ်လုပ်ခိုင်းမည်ဟုလည်း ဆိုသည်။

တိုင်းပြည်စီးပွားရေးကျဆင်းမှုနှင့်နိုင်ငံတကာပိတ်ဆို့မှုများကြောင့်နိုင်ငံခြားငွေရှားပါးနေသည့် စစ်ကောင်စီသည် လက်နက်ခဲယမ်းနှင့် ​လေယာဥ်ဆီဝယ်ယူရန် ​ဒေါ်လာလိုအပ်ချက်မြင့်မားသဖြင့် တိုင်းပြည်အတွင်း ရုန်းကန်နေရသည့် စီးပွားရေးလုပ်ငန်းရှင်များကို ဖိအားပေး ​ခေါင်းပုံဖြတ်​နေခြင်းဖြစ်​ကြောင်း စီးပွားရေးလုပ်ငန်းရှင်တစ်ဦးကပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook