Connect with us

Hi, what are you looking for?

သတင်း

မိုးဗြဲမြို့ကို စစ်ကောင်စီတပ် စစ်ကြောင်းထိုးဝင်ရောက်လာပြီး တိုက်ပွဲပြင်းထန်နေ

တိုက်ပွဲပြင်းထန်မှုကြောင့် စစ်ကောင်စီတပ်သည် လေကြောင်းပစ်ကူရယူခဲ့ရပြီး နှစ်ဖက်ထိခိုက်မှုအချို့ရှိကာ မြေပြင်အချက်အလက်ကိုမူ လူထုနွေဦးအနေဖြင့် စုံစမ်းဆဲဖြစ်သည်။

(ပြီးခဲ့သည့် နိုဝင်ဘာ ၁၅ ရက်က မိုးဗြဲမြို့အနောက်ဘက်မ်းခြမ်းကို စစ်ကောင်စီက လေကြောင်းမှ ဗုံးကြဲတိုက်ခိုက်အပြီး တွေ့ရစဥ်။ ဓာတ်ပုံ - ERCT)
(ပြီးခဲ့သည့် နိုဝင်ဘာ ၁၅ ရက်က မိုးဗြဲမြို့အနောက်ဘက်မ်းခြမ်းကို စစ်ကောင်စီက လေကြောင်းမှ ဗုံးကြဲတိုက်ခိုက်အပြီး တွေ့ရစဥ်။ ဓာတ်ပုံ - ERCT)

ရဲခေါင်/People’s Spring

ရှမ်း – ကရင်နီပြည်နယ်အစပ် မိုးဗြဲမြို့ကို စစ်ကောင်စီတပ်က ယနေ့(နိုဝင်ဘာ ၁၇ ရက်)တွင် စစ်ကြောင်းထိုးဝင်ရောက်လာပြီးနောက် တိုက်ပွဲအပြင်းအထန်ဖြစ်နေကြောင်း ဒေသတွင်းသတင်းရင်းမြစ်များက ပြော သည်။

တိုက်ပွဲပြင်းထန်မှုကြောင့် စစ်ကောင်စီတပ်သည် လေကြောင်းပစ်ကူရယူခဲ့ရပြီး နှစ်ဖက်ထိခိုက်မှုအချို့ရှိကာ မြေပြင်အချက်အလက်ကိုမူ လူထုနွေဦးအနေဖြင့် စုံစမ်းဆဲဖြစ်သည်။

” ဖယ်ခုံကနေ မိုးဗြဲ- နန်းမယ်ခုံ-လွိုင်ကော်ဖက်ကို စကစက အင်အား ၃၀၀လောက်နဲ့ စစ်ကြောင်းထိုးလာတယ်။မနက်ကတည်းက တိုက်ပွဲဖြစ်နေတယ်။ဒီနေ့ ညနေပိုင်းလေယာဥ်နဲ့ပါ လာပစ်တယ်။တိုက်ပွဲက တော်တော်လေးပြင်းထန်တယ်”ဟု မြေပြင်အခြေ အနေကိုသိရှိသူတစ်ဦက လူထုနွေဦးသို့ ပြော သည်။

Public Service Announcement

Public Service Announcement

မိုးဗြဲမြို့ကို ယမန်နှစ်ကတည်းက ဒေသကာကွယ်ရေးတပ်ဖွဲ့နှင့် ကရင်နီတပ်ပေါင်းစုဘက်က ထိန်းချုပ်ထားနိုင်ခြင်းဖြစ်ပြီး မြို့စောင့်တပ်ဖြစ်သော ခြေမြန်တပ်ရင်း ခမရ (၄၂၂)ကိုမူ သိမ်းပိုက်နိုင်ခြင်းမရှိခဲ့ပေ။

“ပြီးခဲ့တဲ့လကတည်းက ဖယ်ခုံ-ပင်လောင်းကြားမှာ ၂လကြာတိုက်ပွဲကြီးဖြစ်ခဲ့တယ်။ အခြေအနေအရ ဆုတ်လိုက်ရခါကြတော့ အခု ဖယ်ခုံ-မိုးဗြဲ ကြားမှာ ပြန်ဖြစ်တယ်။ မိုးဗြဲဖက်ခြမ်းလည်းဖြစ်တယ်။စစ်ကူထပ်မလာနိုင်အောင် ကာကွယ်ရေးတပ်များက အတတ်နိုင်ဆုံးကြိုးစားခုခံနေပါတယ်”ဟု ကရင်နီပူးပေါင်းတပ်ဖွဲ့ဝင်တစ်ဦးက ပြောသည်။

ကရင်နီပြည်နယ်၌ ၎င်းတို့ဆုံးရှုံးထားသော စခန်းနှင့် မြို့များပြန်လည်ထိန်းချုပ်ရန် စစ်ကောင်စီက ၂၀၂၄ ဇွန်လကစ၍ အင်အားအလုံးအရင်းဖြင့် ပြန်လည်ထိုးစစ်ဆင်နေကာ လွိုင်ကော်မြို့ကို အခြေချနိုင်ခဲ့သည်။

ထို့နောက် ကရင်နီဒေသ၏ စစ်ရေးအရအရေးပါသော ဆီဆိုင်-လွိုင်ကော်လမ်းနှင့် ပင်လောင်း -ဖယ်ခုံ-မိုးဗြဲ နှင့် လွိိုင်ကော်လမ်းပိုင်းကို ထိန်းချုပ်ရန် ဆက် လက်ကြိုပမ်းနေသည်။

ကရင်နီပြည်နယ်သို့ စစ်ကောင်စီသည် အင်အားအလုံး အရင်းဖြည့်နေကြောင်း ကရင်နီအမျိုးသားများကာကွယ်ရေးတပ်(KNDF)ဒုစစ်ဦးစီးချုပ် မာဝီက မကြာသေးမီရက်ပိုင်းက အသိပေးထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်းမှာ သံချပ်ကာတပ်ရဲ့ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဖမ်းဆီးခံရပြီးနောက် စစ်ကိုင်းမြို့နယ်အနောက်ခြမ်းက ကျေးရွာတွေကို အာဏာသိမ်းစစ်တပ်က ရက်သတ္တပတ်ကျော်ကြာ စစ်ကြောင်းထိုးနေလို့ ပြည်သူတွေ ထွက်ပြေးတိမ်းရှောင်နေရပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook