အိမ်သွင်/People’s Spring
မကွေးတိုင်း၊ ထီးလင်းမြို့တွင် စစ်ကောင်စီလက်အောက်ခံရဲတပ်ဖွဲ့ လုံခြုံရေးလှည့်ကင်းကို တော်လှန်ရေးတပ်ဖွဲ့များက တိုက်ခိုက်ခဲ့ရာ ရဲတစ်ဦးသေဆုံးပြီး တစ်ဦးဒဏ်ရာရသည့်ဖြစ်စဉ် ဒီဇင်ဘာ ၅ရက်ညက ဖြစ်ပွားခဲ့သည်။
ထီးလင်းမြို့တောင်ဘက် သရခါကျေးရွာအနီးတွင် လည့်ကင်းရဲတပ်ဖွဲ့ကို တိုက်ခိုက်ခဲ့ခြင်းဟု တော်လှန်ရေးရဲဘော်တစ်ဦးက ပြောသည်။
” လှည့်ကင်းလှည့်လာတယ် ထင်ပါတယ်။ အဲ့ဒါကို ပစ်တာမှာ တိုက်ပွဲဖြစ်တယ်။ ရဲတွေရဲ့ ခေါင်းတွေ၊ ဘော်ဒီတွေ သေနတ်ကျည် ထိတယ်။ တစ်ယောက်သေပြီး တစ်ယောက်က လက်ဖြတ်ရတယ်။ အဲ့ဒီလှည့်ကင်း ပြန်ပြေးသွားတယ်”ဟု အထက်ပါ တော်လှန်ရေးရဲဘော်တစ်ဦးက ပြောသည်။
Public Service Announcement
ထီးလင်းမြို့တွင် စစ်ကောင်စီအား တိုက်ခိုက်မည့် စစ်ဆင်ရေးများ ပိုမိုပြင်းထန်လာမည် ဖြစ်သဖြင့် မြို့ပေါ်တွင် နေထိုင်သူများအားလုံး ဒီဇင်ဘာ ၃၁ရက်နေ့ နောက်ဆုံးထား မြို့ပေါ်မှ ထွက်ခွာပြီး အမျိုးသား ညီညွတ်ရေးအစိုးရ၏ စိုးမိုးနယ်မြေများသို့ လာရောက် ခိုလှုံကြရန် ထီးလင်းမြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ထားသည်။
စစ်ကောင်စီတပ်သည် ထီလင်းမြို့ ရွှေထီးခန်းမ၊ တရားရုံး၊ ထွေအုပ်ရုံး၊ ရဲစခန်း၊ ဘောလုံးကွင်းတို့တွင် တပ်စွဲထားပြီး မြို့ပေါ်နေအိမ်အချို့တွင် ပျူစောထီးများအား နေရာချထားသည်ဟု သတင်းရရှိသည်။
