Connect with us

Hi, what are you looking for?

သတင်း

စစ်အာဏာရှင်စနစ်ကို အတူလက်တွဲတိုက်ထုတ် ရန်လိုအပ်ဟု NUGကာကွယ်ရေး ၀တပ်ဖွဲ့ထံ သဝဏ်လွှာပို့

ဒီဇင်ဘာ ၂၀ရက်တွင်ကျရောက်သည့် ဝပြည်သွေးစည်းညီညွတ်ရေးပါတီ (UWSP) တည်ထောင်ခြင်း (၃၆)နှစ်ပြည်သို့ ပေးပို့သည့် သဝဏ်လွှာကို ကာကွယ်ရေးဝန်ကြီးဌာနက ယနေ့ (ဒီဇင်ဘာ ၂၁ရက်)တွင် ထုတ်ပြန်ခဲ့ခြင်းဖြစ်သည်။

(ဝပြည်သွေးစည်းညီညွတ်ရေးပါတီ (UWSP) တည်ထောင်ခြင်း (၃၆)နှစ်ပြည့်အခမ်းအနားပြုလုပ်ရာ ပြင်ဆင်ထားသည်ကို တွေ့ရစဉ်။ ဓာတ်ပုံ - Nyi Rang/FB)
(ဝပြည်သွေးစည်းညီညွတ်ရေးပါတီ (UWSP) တည်ထောင်ခြင်း (၃၆)နှစ်ပြည့်အခမ်းအနားပြုလုပ်ရာ ပြင်ဆင်ထားသည်ကို တွေ့ရစဉ်။ ဓာတ်ပုံ - Nyi Rang/FB)

ဟန်နွေ/People’s Spring

တနိုင်ငံလုံးအတိုင်းအတာဖြင့် ထာဝရငြိမ်းချမ်းရေးရရှိရန် စစ်အာဏာရှင်စနစ်ကို တောင်တန်း၊ မြေပြန့်သားများအတူလက်တွဲ အမြစ်ပြတ် တိုက်ထုတ်ရန် အရေးတကြီးလိုအပ်လျက်ရှိကြောင်း UWSP ဝတပ်ဖွဲ့ထံ အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာနက သဝဏ်လွှာပေးပို့သည်။

ဒီဇင်ဘာ ၂၀ရက်တွင်ကျရောက်သည့် ဝပြည်သွေးစည်းညီညွတ်ရေးပါတီ (UWSP) တည်ထောင်ခြင်း (၃၆)နှစ်ပြည်သို့ ပေးပို့သည့် သဝဏ်လွှာကို ကာကွယ်ရေးဝန်ကြီးဌာနက ယနေ့ (ဒီဇင်ဘာ ၂၁ရက်)တွင် ထုတ်ပြန်ခဲ့ခြင်းဖြစ်သည်။

ဝပြည်သွေးစည်းညီညွတ်ရေးပါတီ နှင့်ဝလူမျိုး တို့လည်း ခက်ခဲကြမ်းတမ်းသည့် အတိတ် သမိုင်းကြောင်းကို ဖြတ်သန်းခဲ့ရသကဲ့သို့ ယနေ့ကာလတွင် မြန်မာနိုင်ငံ၏တခြားသောနေရာဒေသများ၌ လူမျိုးစု အသီးသီးသည် စစ်အာဏာရှင်စနစ်၏ အကြမ်းဖက်ဖိနှိပ်မှုများကို ရင်ဆိုင်နေရကြောင်း သဝဏ်လွှာ၌ ဖော်ပြကာ စစ်အာဏာရှင်ကို အတူ လက်တွဲ တိုက်ထုတ်ရန် လိုအပ်ကြောင်း အသိပေးထားခြင်းဖြစ်သည်။

Public Service Announcement

Public Service Announcement

ယခင်ကလည်း NUGအနေဖြင့် UWSP/UWSA ၏ နေ့ထူးနေ့မြတ်တို့အား သဝဏ်လွှာပေးပို့ရာတွင်လည်း ယခုကဲ့သို့ စစ်အာဏာရှင်ကို တိုက်ထုတ်ရန် တိုက်တွန်းထားသည်။ UWSA အနေဖြင့် စစ်ကောင်စီနှင့် ထိတွေ့ဆက်ဆံမှုရှိသည့်အဖွဲ့ဖြစ်ပြီး လက်ရှိ စစ်ကောင်စီတပ်ကို တိုက်ခိုက်နေသည့် တော်လှန်ရေးတပ်ဖွဲ့များနှင့် လက်တွဲဆောင်ရွက်မှုရှိ၊ မရှိကိုလည်း အသိပေးထုတ်ပြန်ပြောဆိုမှုမရှိပေ။

ဖက်ဒရယ်ဒီမိုကရေစီပြည်ထောင်စုပေါ်ထွန်းလာစေရေး၊ စစ်အာဏာရှင်စနစ်ပြုတ်ကျရေး အတွက် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန အနေဖြင့် ဝပြည်သွေးစည်းညီညွတ်ရေးပါတီ၊ ဝလူမျိုးတို့ နှင့်အတူ လက်တွဲကြိုးပမ်းအားထုတ်သွားမည် ဖြစ်ကြောင်း NUG ကာကွယ်ရေးဝန်ကြီးဌာန၏ သဝဏ်လွှာ၌ ဖော်ပြသည်။

ထို့ပြင် ဝပြည်သွေးစည်းညီညွတ်ရေးပါတီသည် အခက်အခဲ၊ စိန်ခေါ်မှုများစွာကို နှစ်ပေါင်းများစွာ ကျော်ဖြတ် ခဲ့ရပြီး ယနေ့ခေတ်တွင် အောင်မြင်မှုအသီးအပွင့်များ ရရှိလျက်ရှိကာ ပြည်ထောင်စုတွင်းရှိ ကျန်လူမျိုးများ အားကျရသည့် စံပြပြည်နယ်တစ်ခု လက်တွေ့ထူထောင်နိုင်ရန် ကြိုးပမ်းနေသည်ကို တွေ့ရကြောင်းလည်း ကာကွယ်ရေးဝန်ကြီးဌာနက သဝဏ်လွှာပေးပို့သည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

လက်နက်ကိုင်တပ် ၁၉ဖွဲ့နဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)ရဲ့ ဒုတိယအကြိမ်ညီလာခံ ဖွင့်ပွဲအခမ်းအနားကို ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) တာဝန်ရှိသူတွေ တက်ရောက်ခဲ့ကြောင်း SCEFက အောက်တိုဘာ ၁၀ရက်ညပိုင်းမှာ ထုတ်ပြန်ပါတယ်။

Facebook