Connect with us

Hi, what are you looking for?

သတင်း

သင်္ဃန်းကျွန်းမြို့နယ် ဆ/ကရပ်ကွက်ကို စစ်ကောင်စီ ပိိုက်စိပ်တိုက် စစ်ဆေး၊ လူငယ် ၁၀ဦးထက်မနည်း ဖမ်းဆီးခံရ

ရန်ကုန်မြို့၊ သင်္ဃန်းကျွန်းမြို့နယ် ဆ/ကရပ်ကွက်ကို စစ်ကောင်စီက ပိိုက်စိပ်တိုက်စစ်ဆေးရာ လူငယ် ၁၀ ဦးထက်မနည်း ဖမ်းဆီးခေါ်ဆောင်ခံရကြောင်း အဆိုပါမြို့နယ်ဒေသခံအချို့က လူထုနွေဦးသို့ ပြောသည်။

ရန်ကုန်မြို့တွင် စစ်ကောင်စီက ညပိုင်းအချိန် ပိတ်ဆို့စစ်ဆေးမှုပြုလုပ်နေသည်ကို တွေ့ရစဥ်(ပုံဟောင်းဖြစ်သည်။)

ရဲခေါင်/People’s Spring

ရန်ကုန်မြို့၊ သင်္ဃန်းကျွန်းမြို့နယ် ဆ/ကရပ်ကွက်ကို စစ်ကောင်စီက ပိိုက်စိပ်တိုက်စစ်ဆေးရာ လူငယ် ၁၀ ဦးထက်မနည်း ဖမ်းဆီးခေါ်ဆောင်ခံရကြောင်း အဆိုပါမြို့နယ်ဒေသခံအချို့က လူထုနွေဦးသို့ ပြောသည်။

ယမန်နေ့ည ၁နာရီခန့်ကစ၍ စစ်ကောင်စီအဖွဲ့သည် ရပ်ကွက်၏ အဝင်၊အထွက် လမ်းများကို ပိတ်ဆို့ကာ စစ်ကားငါးစီးဖြင့် တစ်တိုက်ဝင်၊ တစ်တိုက်ထွက် စစ်ဆေးခဲ့သည်ဟု ဆိုသည်။

“စံပြစျေးအောက်က ပြည့်တန်ဆာခေါင်းတွေပါတဲ့ ပျူစောထီးတွေနဲ့ စခ တွေအများစု ဝင်စစ်တာ။ရပ် ကွက်ရာအိမ်မှူး၊အုပ်ချုပ်ရေးမှူး မတွေ့ရဘူး။စစ်ကား ချည်းပဲ ငါးစီး။Faw ကားအကြီးတစ်စီးထဲမှာ ယောကျာ်း ၁၀ယောက်ကျော် ၁၆ ယောက် လောက်ပါသွားတာ”ဟု ဖြစ်စဥ်ကိုကြုံတွေ့ခဲ့သူ တစ်ဦးက ပြောသည်။

Public Service Announcement

Public Service Announcement

ဖမ်းဆီးခံရသည့် လူငယ်များအနက် တက္ကသိုလ်ကျောင်းတက်နေသူအချို့ပါပြီး ယနေ့(ဇန်နဝါရီ ၁၇ရက်) နံနက်ပိုင်းတွင် ရပ်ကွက်အုပ်ချုပ်ရေးမှူးရုံးသို့ မိသားစုဝင်များက သွားရောက်စုံစမ်းသော်လည်း သတင်းမသိရကြောင်း အကြောင်းပြန်သည်ဟု ဆိုသည်။

“အဲဒီအမတွေဆို ညကတည်းက သူ့သား(ဒုတိယနှစ်ကျောင်းသား)ခေါ်သွားခံရလို့ သူတို့ကိုပါခေါ်ဆိုပြီး ငိုယိုပွက်လောရိုက် သွားတာ။ အဲဒါနဲ့ ရပ်ကွက်ထဲက သက်ကြီးရွယ်အိုတွေကလည်း ဝိုင်းတာတာကို သေနတ်ပြောင်းဆွဲပြီး မကပ်နဲ့ ငြိမ်ငြိမ်နေ ဆိုပြီး ခြိမ်းခြောက်သွားကြတယ်။ဒီနက် ရပ်ကွက်ရုံး သွားတော့လည်း သူတို့လည်း မသိရဘူးဆိုပြီး ပြောတယ်”ဟု ဆ/ကရပ်ကွက်နေ အမျိုးသမီးတစ်ဦးက ပြောသည်။

အာဏာသိမ်းစစ်တပ်က အသက်(၁၈)နှစ်နှင့်အထက် စစ်မှုမထမ်းမနေရ ဥပဒေပြဌာန်းပြီးနောက် ရန်ကုန်မြို့အပါအဝင် မြို့နယ်အများစုတွင် စစ်ကောင်စီနှင့် ပျူစောထီးများက ပေါ်ပေါ်ထင်ထင် ပေါ်တာဆွဲခေါ်ဆောင်မှုများစွာရှိနေသည်။

ထို့အပြင် ရန်ကုန်မြို့တွင် လူငယ်များပျောက်ဆုံးမှုများရှိလာပြီး စစ်မှုထမ်းဥပဒေဖြင့် ခြိမ်းခြောက်ကာ စစ်ကောင်စီ(သို့မဟုတ်)မြို့နယ်ထွေအုပ်ရုံးများထံ ရောင်းစားမှု ဖြစ်စဥ်အချို့လည်း ရှိလာသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook