မုံရွာမြို့နယ်နှင့် ပခုက္ကူမြို့နယ်များရှိ အကြမ်းဖက်စစ်ကောင်စီလက်အောက်ခံ ပျူစောထီးခေါင်းဆောင်များအား ဒေသခံ ပြည်သူ့ကာကွယ်ရေးအဖွဲ့များက သတ်ဖြတ်ခဲ့ကြောင်း သတင်းထုတ်ပြန်သည်။
အောက်တိုဘာလ ၂၉ ရက်က မုံရွာမြို့နယ် ကင်မွန်းတော်ရွာမှ ပျူစောထီးခေါင်းဆောင် ကိုပေါရှိန်နှင့် အပေါင်းပါများအားသေနတ်ဖြင့်(၁၀)ချက်ခန့် ပစ်ခတ်ရှင်းလင်း သုတ်သင်ခဲ့ကြောင်း Monywa Heroes Groupက အသိပေးသည်။
အလားတူ ပခုက္ကူမြို့တွင်လည်း ပျူစောထီးခေါင်း ဆောင်တစ်ဦးကို ပခုက္ကူ(PDF)က ယမန်နေ့က သတ်ခဲ့သည်။
အောက်တိုဘာလ ၂၉ ရက်က ပခုက္ကူမြိုနယ် အနောက်ဘုန်းကန်ကျေးရွာရှိ ပြည်သူများအားစစ်ကောင်စီအလိုကျ နည်းမျိုးစုံဖြင့် နှိပ်စက်ညှင်းပန်းခြင်း၊ သတင်း ပေးခြင်း၊ မိသားစုလိုက်ဗိုလ်ကျစိုးမိုးခြင်းများ ဆောင်ရွက်လျက်ရှိသော မြို့နယ်ပျူစောထီးထိပ်ပိုင်းခေါင်းဆောင်၊ လက်ရှိ ကျေးရွာအုပ်ချုပ်ရေးမှူး မင်းဇော်ဦးနှင့် ၎င်း၏ ဖခင်စစ်ကောင်စီသတင်းပေး၊ ပျူစောထီး မြင့်အောင်တို့မိသားစုအား PPDF မြေပြင်တိုက်ခိုက်ရေးအဖွဲ့ က ၀င်ရောက်ရှင်းလင်းခဲ့ရာ မြင့်အောင်နှင့် အခြားတစ်ဦးအား သုတ်သင်ရှင်းလင်းနိုင်ခဲ့ပြီး မင်းဇော်ဦးမှာ ထိခိုက်ဒဏ်ရာအချို့ဖြင့် ထွက်ပြေးလွတ်မြောက်သွားခဲ့ကြောင်း PPDFက သတင်းထုတ်ပြန်သည်။
Public Service Announcement
မုံရွာမြို့နယ်နှင့် ပခုက္ကူမြို့နယ်အတွင်းအခြားကျန်ရှိနေသောပျူစောထီးများ၊ စစ်ကောင်စီလက်အောက်ခံ အုပ်ချုပ်ရေးမှူးများအနေဖြင့် မိမိတို့လုပ်ရပ်များအမြန်ဆုံးရပ်တန့်၍ ပြည်သူနှင့်အတူ ပူးပေါင်း ဆောင်ရွက်ကြရန် နှင့်ဆက်လက်ပါ၀င်ပတ်သက်မည်ဆိုပါက ရှင်းလင်းဆောင်ရွက်သွားမည်ဖြစ်ကြောင်း Monywa Heroes Groupနှင့် PPDFတို့က ထုတ်ပြန်ကြေညာထားသည်။
