Connect with us

Hi, what are you looking for?

သတင်း

မုံရွာစက်မှုဇုံအနီး အိမ်စီးကားဖြင့်ကင်းပတ်လာသည့် စစ်ကောင်စီတပ်သားများ တိုက်ခိုက်ခံရ

စစ်ကိုင်းတိုင်း၊ မုံရွာမြို့စက်မှုဇုံအနီး အိမ်စီးကားဖြင့် ကင်းပတ်လာသည့် စစ်ကောင်စီတပ်သားများအား ပစ်ခတ်တိုက်ခိုက်ခဲ့ကြောင်း မုံရွာခရိုင် အမှတ်(၂၂)တပ်ရင်းမှ တာဝန်ရှိသူတစ်ဦးက လူထုနွေဦးသို့ ပြောသည်။

ကျော်ဇော/People’s Spring

စစ်ကိုင်းတိုင်း၊ မုံရွာမြို့စက်မှုဇုံအနီး အိမ်စီးကားဖြင့် ကင်းပတ်လာသည့် စစ်ကောင်စီတပ်သားများအား ပစ်ခတ်တိုက်ခိုက်ခဲ့ကြောင်း မုံရွာခရိုင် အမှတ်(၂၂)တပ်ရင်းမှ တာဝန်ရှိသူတစ်ဦးက လူထုနွေဦးသို့ ပြောသည်။

ဇန်နဝါရီ ၁၆ ရက် ညပိုင်းက မုံရွာစက်မှုဇုံ၊ ဟီးရိုးကွမ်းယာဆိုင်အနီး ကင်းပတ်နေသည့် အိမ်စီးကားကို အနီးကပ်ပစ်ခတ်တိုက်ခိုက်ခဲ့ခြင်းဖြစ်ပြီး ပစ်ခတ်မှုကြောင့် မုံရွာမြို့အမှတ်(၂)ရဲစခန်းမှ ရဲနှစ်ဦး၊ မြို့တော်ခန်းမမှ စစ်သားနှစ်ဦးသေဆုံးပြီး တစ်ဦးထိခိုက်ဒဏ်ရာရကြောင်း ၎င်းတာ ဝန်ရှိသူက ပြောသည်။

“တစ်စီး အရင်ရောက်လာတာ။ ကားတခါးဖွင့်အဆင်းကျနော်တို့က စပစ်တာ။ မှောင်နေတော့(လက်နက်)ရမ်းမကောက်ရဲဖြစ်နေတာ”ဟု ပစ်ခတ်တိုက်ခိုက်မှုနှင့်စပ်လျဥ်းပြီး အ မှတ်(၂၂)တပ်ရင်းမှ တာဝန်ရှိသူတစ်ဦးက လူထုနွေဦးသို့ ပြောသည်။

Public Service Announcement

Public Service Announcement

လက်နက်များ ကောက်ယူရန် ပြင်ဆင်နေစဥ် စစ်ကောင်စီဘက်မှ လှည့်ကင်းယာဥ်အချို့ ထပ်မံရောက်ရှိလာရာ အပြန်အလှန်ပစ်ခတ်မှု မိနစ်အနည်းငယ်ဖြစ်ပွားပြီး လူနှင့် လက်နက်အင်အားမမျှခြင်းကြောင့် ပြန်ဆုတ်ခဲ့ရကြောင်း ၎င်းက ဆက်ပြောသည်။

အထက်ပါ စစ်ရေးတိုက်ခိုက်မှုအတွင်း ပစ်ခတ်တိုက်ခိုက်ခံရသော စစ်ကောင်စီတပ်အိမ်စီးကားမှာ ဆက်မောင်း၍မရတော့ဘဲ ကရိန်းဖြင့် ပြန်ဆွဲသွားကြောင်း၊ ပစ်ခတ်မှုဖြစ်သည့်နေရာသို့ စစ်ကောင်စီဘက်မှ လူနာတင်ယာဥ်အပါအဝင် တပ်ကူယာဥ် ၁၀စီးခန့်ရောက်ရှိလာပြီး အနီးဝန်းကျင်သို့ ရမ်းသမ်းပစ်ခတ်မှုများရှိခဲ့ကြောင်း ဒေသခံများထံမှ စုံစမ်းသိရသည်။

စစ်ရေးတိုက်ခိုက်မှုလုပ်ဆောင်ခဲ့သော မုံရွာခရိုင်အမှတ်(၂၂)တပ်ရင်းမှ တိုက်ခိုက်ရေးရဲဘော်များမှာ အထိခိုက်မရှိ ဆုတ်ခွာနိုင်ခဲ့ကြောင်း ၎င်းတပ်ရင်းက အသိပေးထုတ်ပြန်ထားသည်။

ဇန်နဝါရီ ၁၄ ရက် ညပိုင်းကလည်း မုံရွာမြို့နယ်အခြေစိုက် စစ်ကောင်စီ၏ အနောက်မြောက်တိုင်းစစ်ဌာနချုပ် – နမခ အတွင်း တော်လှန်ရေးပူးပေါင်းအဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook