လက်ပံတောင်းဒေသပြည်သူများ၏ စစ်အာဏာရှင် ဆန့်ကျင်ရေး သပိတ်

သုည/People’s Spring

စစ်ကိုင်းတိုင်း ဆားလင်းကြီးမြို့နယ် လက်ပံတောင်းတောင်ဒေသတွင် သပိတ်အင်အားစုနှင့် ပြည်သူများ ပူးပေါင်းပြီး စစ်အာဏာရှင်ဆန့်ကျင်ရေး လူထုသပိတ်ကို ယနေ့ (ဇန်နဝါရီ ၂၂) နံနက်က ပြုလုပ်ခဲ့သည်။

ယင်းသပိတ်တွင် ပြည်သူများက “၂ဝ၂၅ နှစ်သစ်မှာ စစ်အာဏာရှင်နိဂုံးချုပ်ဖို့ လူထုစွမ်းအားနဲ့ တိုက်ဖျက်စို့”စာသားကိုင်ဆောင်ပြီး “စစ်အာဏာရှင်အောက်မှလွတ်မြောက်ရေး”၊ “ဖက်ဒရယ်ဒီမိုကရေစီ ပြည်ထောင်စုတည်ဆောက်ရေး” ၊ “အာဏာဖီဆန် CDM လှုပ်ရှားမှု လုပ်ဆောင်ရေး” စသည့် ကြွေးကြော်သံများဖြင့် ဆန္ဒထုတ်ဖော်ခဲ့သည်။

ထို့နောက် သပိတ်ဦးဆောင်သူတို့က ပြည်သူလူထုအား လူထုသပိတ်လှုပ်ရှားမှု၏ အရေးပါပုံနှင့် နိုင်ငံတကာတရားဝင်မှုရေးရာ စစ်မျက်နှာဖော်ဆောင်ပုံ အစရှိသည်တို့ကို ဆွေးနွေးတင်ပြခဲ့သည်။

Public Service Announcement

ဓာတ်ပုံ – လက်ပံတောင်းသပိတ်