ဧပြီ ၃၊ ၂၀၂၅။ ဟန်နွေ/People’s Spring
စစ်ကောင်စီက အပစ်ရပ်စဲကြောင်း ကြေညာချက် ထုတ်ပြန်သည့် ည၌ပင် လေကြောင်းတိုက်ခိုက် ပြီး တိုက်ပွဲဖော်ဆောင်နေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။
ငလျင်ဘေးကယ်ဆယ်ရေးနှင့်ပြန်လည် ထူထောင် ရေးအရှိန်အဟုန်ဖြင့် ဆောင်ရွက်ရန်ဟုဆိုကာ စစ်ကောင်စီက ဧပြီ ၂ရက်မှ ၂၂ရက်အထိ အပစ်ရပ်စဲကြောင်း ဧပြီ ၂ရက်ညပိုင်းတွင် ထုတ်ပြန်ကြေညာခဲ့ရာ KIAကလည်း ယင်းနေ့ရက်အတိုင်းပင် ထိုးစစ်ဆင်တိုက်ခိုက်မှုများ ရပ်ဆိုင်းမည်ဟု ကြေညာခဲ့သည်။
စစ်ကောင်စီက အပစ်အခတ်ရပ်စဲရေးကြေညာချက်ထုတ်သည့် ယမန်နေ့ ညပိုင်း၌ပင် ကချင်ပြည်နယ်၊ ဗန်းမော်မြို့ကို တညလုံးနီးပါးလေကြောင်းမှ ဗုံးကြဲတိုက်ခိုက်ခဲ့ပြီး ယနေ့ (ဧပြီ၃) နံနက်အစောတွင်လည်း အင်းတော်ကြီးဒေသကို စစ်ကောင်စီက လေကြောင်း တိုက်ခိုက်ခဲ့ဟု ဗိုလ်မှူးကြီးနော်ဘူက ပြောသည်။
Public Service Announcement
” ဝိုင်းမော်မြို့နယ်ပေါ့ ခလရ(၅၈) ပတ်ဝန်းကျင် လမြန်ဘက်မှာလည်း သူတို့က မြေပြင်ကနေထိုးစစ်ဆင်လို့ဒီမနက်လည်း ခုခံတိုက်ပွဲတွေရှိပါတယ်။ အဲဒီလိုမျိုးလုပ်တာကတော့ သူတို့ထုတ်ထားတဲ့ စည်းကမ်းကို သူတို့စည်းဖောက်တဲ့ပုံစံမျိုးဖြစ်ပါတယ်။ သူတို့ရဲ့ ထုတ်ပြန်ကြေညာချက်မှာတော့ နံပါတ် ၄မှာ ရေးထားတာကတော့ ကျနော်တို့ တော်လှန်ရေး အဖွဲ့အစည်းတွေကို ဒီ အပစ်အခတ်ရပ်စဲရေး ကြေညာချက်ကို အမြတ်ထုတ်တာမျိုး မလုပ်ရဘူးလို့ ပြောတာ။ သူတို့ကအမြတ်ထုတ်တာလို ပုံစံမျိုး ။ သူတို့အရင်စည်းဖောက်တဲ့ပုံစံမျိုးဖြစ်ပါတယ်”ဟု ဗိုလ်မှူးကြီးနော်ဘူက ပြောသည်။
အပစ်ရပ်စဲရေးကြေညာချက် ထုတ်ထားသည့် နောက်ပိုင်း စစ်ကောင်စီက တိုက်ပွဲများ ဆက်တိုက်ဖော်ဆောင်လျက်ရှိကြောင်းလည်း ဗိုလ်မှူးကြီးနော်ဘူက ပြောသည်။
KIO/KIA၏ ယမန်နေ့ ကြေညာချက်တွင် စစ်ကောင်စီ၏ ကြေညာချက်ပါ အချက်များကို စစ်ကောင်စီ ကိုယ်တိုင်လည်း လိုက်နာရန်လိုအပ်ကြောင်း ဖော်ပြထားသည်။
စစ်ကောင်စီသည် နိုင်ငံ၌ ငလျင်ဘေးကြုံနေရချိန် လေကြောင်း ဗုံးကြဲတိုက်ခိုက်မှုများ အရှိန်မြှင့်လုပ်ဆောင်လျက်ရှိပြီး ကချင်ဒေသများ၌ စစ်ရေးလှုပ်ရှားမှုများ၊ လူသစ်စုဆောင်းမှုများ င်မှုများ လုပ်ဆောင်လျက်ရှိသည်။
