ရွှေတချောင်းပေါ်ထိုးထားတဲ့ တံတားငယ်တွေကို စစ်ကောင်စီဖယ်ခိုင်းနေ

ဇွန်-၁၇၊၂၀၂၅။မေရီ/People’s Spring

မန္တလေးမှာရွှေတချောင်းမြောင်းပေါ် ထိုးထားတဲ့ တံတားငယ်တွေစစ်ကောင်စီဖယ်ခိုင်းနေကြောင်း ဒေသခံတွေက ပြောပါတယ်။

မန္တလေးမြို့၊ ချမ်းမြသာစည်မြို့နယ်၊စစ်ကိုင်း-မန္တလေးလမ်းအနောက်ဘက်ရွှေတချောင်းမြောင်ဘေးနေသူတွေကသူတို့နေအိမ်တွေဆီဝင်ဖို့မြောင်းပေါ်ကိုတံတားထိုးထားလေ့ရှိကြောင်း၊ အခုအခါ စစ်ကောင်စီကအဲဒီတံတားတွေကိုဖယ်ရှားခိုင်းနေတာဖြစ်ကြောင်းဒေသခံတွေကပြောပါတယ်။

“လဆန်းလောက်ကတည်းကဖယ်ခိုင်းနေတာ။ တံတားတွေမရှိဘဲဘယ်လိုလုပ် ကူးရမလဲ။”လို့ ဒေသခံတဦးက ပြောပါတယ်။

Public Service Announcement

ဘာကြောင့်ဖယ်ခိုင်းတယ်ဆိုတာကိုတော့လူထုနွေဦးကသီးခြားအတည်ပြုနိုင်ခြင်း မရှိသေးပါဘူး။

ရွှေတချောင်းမြောင်းဟာရေစီးရေလာမကောင်းဘဲ အမှိုက်တွေနဲ့ အမြဲလိုလို ပြည့်လျှံနေပြီး မိုးတွင်းကာလမှာ ပိုမိုဆိုးရွားလေ့ရှိပါတယ်။မန္တလေးစည်ပင်ဟာလည်း အာဏာသိမ်းပြီးနောက်ပိုင်းမှာ သန့်ရှင်းရေးကိစ္စ​တွေကို ကောင်း​ကောင်းမလုပ်​တော့ တော့ဘူးလို့ မန္တလေးမြို့ခံအချို့ကဆိုပါတယ်။

အာဏာသိမ်းပြီးနောက်ပိုင်း စစ်ကောင်စီဟာ မန္တလေးမြို့အရှေ့ခြမ်း၊ ပုသိမ်ကြီး၊ ချမ်းမြသာစည်နဲ့ ပြည်ကြီးတံခွန်မြို့နယ်တွေက နေအိမ်တွေကိုလည်းကျူးကျော်ဆိုပြီး ဖယ်ရှားရှင်းလင်းခဲ့ပါသေးတယ်။အဲလို ဖယ်ရှားပြီးရင် စစ်​ကောင်စီဟာ​မြေကွက်​တွေကို ​ခွဲခြမ်ယရောင်းစားတယ်လို့ ​ဒေသခံအချို့က​ပြောပါတယ် ။

မတ်လ ၂၈ ရက်ကလှုပ်ခတ်ခဲ့တဲ့ စစ်ကိုင်းငလျင်ကြီး​ကြောင့် မန္တ​လေးမြို့မှာ ပြည်သူ​ထောင်ချီ​သေဆုံးခဲ့သလို ၊မြို့ရှိ အ​ဆောက်အအုံအများစုပြိုကျတာ ၊ပျက်စီးတာ ၊ကွဲအက်တာ ၊တိမ်း​​စောင်းတာ​တွေဖြစ်ခဲ့ပြီး​​​တော့ ​မေငလျင်ဒဏ်အဆိုးဆုံးခံရတဲ့ဘမြိို့တ မြိူ့ဖြစ်ခဲ့ပါတယ်။