ဇွန်-၂၃၊၂၀၂၅။အိမ်သွင်/People’s Spring
ပြည်မြို့အနီးတွင်ရစ်ခ်တာစကေး ၄ ဒဿမ၂ အဆင့်ရှိ မြေငလျင်တစ်ခုယနေ့နံနက်၆ နာရီခွဲခန့်၌လှုပ်ရှားခဲ့သည်။
ပြည်မြို့၏တောင်-အရှေ့တောင်ဘက် ၅၅ ကီလိုမီတာ( ၃၄ မိုင်ကျော်)အကွာ၌ မြေအောက်အနက် ၁၀ ကီလိုမီတာ(၆ မိုင်ကျော်)ကိုဗဟိုပြု၍ ဇွန် ၂၂ ရက် နံနက်ပိုင်းတွင် လှုပ်ခတ်သွားသည်ဟု အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)ကထုတ်ပြန်သည်။
ပြီးခဲ့သည့် ဇွန်လ ၉ ရက်နေ့က ပြည်မြို့နယ် နှင့် ပတ်ဝန်းကျင်၌ ရစ်ခ်တာစကေး ၄ဒဿမ၉အဆင့်ငလျင်လှုပ်ပြီးနောက် ၁၅ရက်အကြာ၌ ရစ်ခ်တာစကေး ၄အထက် လှုပ်ခြင်းဖြစ်သည်။
Public Service Announcement
ဇွန်လဆန်းပိုင်းက ရစ်ခ်တာစကေး ၄ မှ ၅ ကြား ငလျင်အချို့သည် ပဲခူးတိုင်း၊ ရှမ်းပြည်နယ်တောင်ပိုင်း၊ ကချင်ပြည်နယ်နှင့် မန္တ လေးတိုင်းအတွင်း မကြာခဏ လှုပ်ခဲ့ပြီး ယင်းနောက်ပိုင်းတွင် ရစ်ခ်တာစကေး ၃ မှ ၄ကြားငလျင်အချို့လှုပ်ခဲ့သည်။
မတ်လ၂၈ ရက်နေ့ကလှုပ်ခတ်ခဲ့သည့်ရစ်ခ်ျတာစကေး၇ဒဿမ၇ အဆင့်ရှိ စစ်ကိုင်းငလျင်ကြီးနောက်ပိုင်းမြန်မာနိုင်ငံဒေသအများအပြားတွင်နောက်ဆက်တွဲငလျင်များဆက်တိုက်လှုပ်နေသည်။
