ဇူလိုင် -၇ ၊၂၀၂၅ /People’s Spring
ရေလှောင်ကန် တည်ဆောက်တဲ့ လုပ်ငန်းခွင် မတော်တဆမှုကြောင့် မြန်မာတွေ အပါအဝင် ၁၂ ဦး ဒဏ်ရာရထိုင်းနိုင်ငံမှာ ရေသိုလှောင်ကန်တစ်ခု တည်ဆောက်တဲ့ လုပ်ငန်းခွင်မှာ မတော်တဆမှု ဖြစ်ရာက မြန်မာတွေ အပါအဝင် ၁၂ ဦး ဒဏ်ရာရခဲ့ပါတယ်။
ဇူလိုင် ၆ ရက်နေ့ ညပိုင်းက ဘန်ကောက်ရဲ့ မင်ဘူရီ ဧရိယာမှာ မြို့တော် ရေဖြန့်ဝေရေး အာဏာပိုင် အဖွဲ့က တာဝန်ယူထားတဲ့ ဆောက်လုပ်ရေး လုပ်ငန်းခွင်မှာ သံမဏိချောင်းတွေ ပြိုလဲမှု ဖြစ်ခဲ့တာပါ။
ဒဏ်ရာရသူတွေဟာ မြန်မာ ၇ ဦး၊ ကမ္ဘောဒီးယား ၃ ဦးနဲ့ ထိုင်း ၂ ဦးတို့ဖြစ်ပြီး ခြေလက်တွေမှာ အဓိက ထိခိုက်မိခဲ့တယ်လို့ ထိုင်းသတင်းဌာန Khaosodက ဖော်ပြခဲ့ပါတယ်။
Public Service Announcement
သူတို့ကို အခင်းဖြစ်တဲ့ နေရာမှာ ရှေးဦး သူနာပြုနည်းတွေနဲ့ ကုသပေးပြီးတဲ့နောက် ဆေးရုံကို ပို့ဆောင်ခဲ့တယ်လို့ သိရပါတယ်။
မတော်တဆမှု ဖြစ်တဲ့အချိန်က လုပ်ငန်းခွင်ထဲမှာ စုစုပေါင်း ဝန်ထမ်း ၁၂၀ ဝန်းကျင်လောက် ရှိနေခဲ့တယ်လို့ ဆိုပါတယ်။ ဖြစ်စဉ်နဲ့ ပတ်သက်လို့ အသေးစိတ် အချက်အလက်တွေကိုတော့ မသိရသေးပါဘူး။
မင်ဘူရီ ရဲတပ်ဖွဲ့ဟာ အခင်းဖြစ်ပွားရာ နေရာမှာ စုံစမ်းစစ်ဆေးနေပြီးအထောက်အထားတွေ ရှာယူစုဆောင်းနေတယ်လို့ ထုတ်ပြန်ထားပါတယ်။
