'/%3E%3C/svg%3E){kind=small}
ဇူလိုင်-၁၃၊၂၀၂၅။ဇော်ရမ်း/People’s Spring
တအာင်းတပ်မတော်(TNLA) ထိန်းချုပ်ထားသည့် မိုးကုတ်မြို့ကို စစ်ကောင်စီက ယနေ့(ဇူလိုင် ၁၃ရက်) ည ၁၀နာရီခွဲတွင် လေကြောင်းမှ ထပ်မံ ဗုံးကြဲသွားပြန်သည်။
မိုးကုတ်မြို့အရှေ့ပိုင်းကို ဂျက်ဖ်ိုက်တာဖြင့် ဗုံးကြဲခြင်းဟု ဒေသခံများက ပြောသည်။
” အခုလေးတင်ကြဲသွားတာ။ ပေါက်ကွဲသံကျယ်လွန်းတယ်ဗျာ။ ထိတာခိုက်တာတွေ စိတ်ပူရတယ်”ဟု မိုးကုတ်ဒေသခံတစ်ဦးက ပြောသည်။
Public Service Announcement
ဒေသခံများသည် ညပိုင်းပြင်ပသို့မထွက်ရဲ၍ ထိခိုက်မှုအခြေအနေကို မသိရသေးပေ။
ဇူလိုင် ၈ရက်နှင့်ဇူလိုင် ၉ ရက်ညကလည်း မိုးကုတ်မြို့အား လေကြောင်းမှ ဗုံးကြဲခဲ့သည်။ ဇူလိုင် ၈ ရက်က မိုးကုတ်မြို့ အနောက်ပိုင်းရှိ ကိုယ်ပိုင်အထက်ပိုင်းကျောင်းအနီးကို စစ်ကောင်စီက ပေါင် ၅၀၀ဗုံးဖြင့် ကြဲချတိုက်ခိုက်ခဲ့၍ အရပ်သားသုံးဦး သေဆုံးခဲ့သည်။
မိုးကုတ်အပြင် တအာင်းတပ်မတော်(TNLA)ထိန်းချုပ်မြို့နယ်များကို စစ်ကောင်စီက လေကြောင်းမှ မကြာခဏ တိုက်ခိုက်နေသည်။ ယနေ့နံနက်ပိုင်းကလည်း ကျောက်မဲမြို့ကို စစ်ကောင်စီက ဗုံးငါးလုံးကြဲချခဲ့သည်။
