စက်တင်ဘာ-၂၊၂၀၂၅။မေရီ/People’s Spring
လူချွန်လူကောင်းသီချင်းအား ပါတီမဲဆွယ်သီချင်းအဖြစ် အသုံးပြုမည်ကို ကန့်ကွက်ကြောင်းဆရာမြို့မငြိမ်း၏မိသားစုကယနေ့စက်တင်ဘာ ၂ ရက်တွင် အသိပေးကြေညာသည်။
မြို့မငြိမ်းမိသားစု၏ အသိပေးကြေညာချက်တွင်ဖခင်ဖြစ်သူအလင်္ကာကျော်စွာ မြို့မငြိမ်းသည် ၁၉၅၂ခုနှစ်ကရန်ကုန်မြို့တွင်ကျင်းပသောပြည်တော်သာညီလာခံ အတွက် သီချင်းတစ်ပုဒ်ရေးစပ်ခဲ့ကြောင်းကြေညာချက်တွင်ပါရှိသည်။
ပြည်တော်သာညီလာခံတွင်မြန်မာပြည်တဝှမ်းမှသီချင်းရေးဆရာများကညီလာခံဂုဏ်ပြုသီချင်းများရေးစပ်ခဲ့ကြသည့်အနက်ဖခင်ဖြစ်သူ မြို့မငြိမ်းကပြည်တော်သာညီလာခံအတွက်မျှသာမဖြစ်စေဘဲခေတ်မှီတိုးတက်သောအနာဂတ်မြန်မာနိုင်ငံတော်အတွက်အထိအမြော်အမြင်ကြီးစွာဖြင့် “လူချွန်လူကောင်း” အမည်ရှိသီချင်းကိုရေးစပ်ခဲ့သည်ဟုဆိုသည်။
Public Service Announcement
ထိုသီချင်းသည်နိုင်ငံတော်၏ အမျိုးသားရေးဆိုင်ရာ မျှော်မှန်းချက် ပုံရိပ်အဖြစ် ထင်ရှား ကျန်ရစ်ခဲ့သည်ကို ဂီတပညာရှင်ကြီးများ စာပေပညာရှင်ကြီးများအထိ ယခုတိုင် ဂုဏ်ပြုရေးသားကြကြောင်း ဖော်ပြထားသည်။
ထို့ကြောင့် ဖခင်ကြီးက နိုင်ငံတော်၏ ပုံရိပ်အဖြစ် မျှော်မှန်းရေးသားခဲ့သော“လူချွန်လူကောင်း” သီချင်းကို ဖခင်ကြီး၏ အမွေဆက်ခံသော မြို့မငြိမ်းမိသားစုထံ အသိပေးခွင့်ပြုချက် ရယူခြင်းမရှိဘဲ နိုင်ငံရေး စီးပွါးရေးနှင့် ပတ်သက်သော အဖွဲ့အစည်းတစ်ရပ် ပုဂ္ဂိုလ်တစ်စုတစ်ဖွဲ့က ၎င်းတို့ ကိုယ်ကျိုးအတွက် သီချင်းတစ်ပုဒ်လုံးကိုဖြစ်စေ၊ သီချင်း၏ စာသား တစိတ်တပိုင်းကိုဖြစ်စေအသုံးပြုခြင်း သီဆိုခြင်း ဖြန့်ဝေခြင်း လွှင့်ထုတ်ခြင်းများကို သီချင်း၏ မူပိုင်ရှင်ဖြစ်သော မြို့မငြိမ်းမိသားစုက ကန့်ကွက်ကြောင်း ကြေညာအပ်ပါသည်ဟု ထပ်မံအသိပေးသည်။
ဖခင်ကြီး အလင်္ကာကျော်စွာ မြို့မငြိမ်းတို့ ဦးဆောင်တည်ထောင်ခဲ့သည့် မြို့မအပျော်တမ်းတူရိယာအသင်း၏ တာဝန်ရှိသူများအနေနှင့်လည်း ဖခင်ကြီး၏ သီချင်းများကို အသင်းက လက်ခံတီးမှုတ်သော ဧည့်ခံဖျော်ဖြေပွဲများတွင် သီဆိုတီးမှုတ်ခြင်းများမှအပ အခြား ဂီတထုတ်လုပ်ခြင်းများ၊ အခြားနိုင်ငံရေး စီးပွါးရေး အဖွဲ့အစည်းများ၏ အကျိုးစီးပွါးအတွက် အသုံးပြုခြင်းများကို မြို့မငြိမ်းမိသားစု၏ သဘောတူခွင့်ပြုချက်မရဘဲ ပေးအပ် ရောင်းချခွင့် ပြုခွင့် မရှိကြောင်းလည်း အသိပေးကြောင်း မြို့မငြိမ်းမိသားစု၏ ကြေညာချက်တွင် ရေးသားထားသည်။
အဆိုပါသီချင်းကိုစစ်ကောင်စီ၏ရွေးကောက်ပွဲတွင်ဝင်ပြိုင်မည့် အမျိုး သားဒီမိုကရေစီ အင်အားစုပါတီ (NDF)ကအောင်နိုင်ရေးကမ်ပိန်းတွင်အသုံးပြုရန် မြို့မအသင်းထံ လာရောက်ခွင့်တောင်းခဲ့သည်ဟုဆိုသည်။
မြို့မအသင်းဥက္ကဌ ဒေါက်တာ လှခိုင်ကလည်း အသုံးပြုခွင့်ပေးခဲသည်ဟု သိရသည်။
