ထီးခီးရွာကို စစ်တပ် ထပ်မံဗုံးကြဲ၊ ဒေသခံ ၃၅၀ကျော် ထိုင်းနယ်စပ်စစ်ရှောင်နေရ

စက်တင်ဘာ-၈၊ ၂၀၂၅။ ထားမြတ်/People’s Spring

ကရင်အမျိုးသားအစည်းအရုံး(KNU) ထိန်းချုပ်ထားတဲ့ ထားဝယ်မြို့နယ်၊ ထီးခီးကျေးရွာကို အာဏာသိမ်းစစ်ကောင်စီတပ်က ဒီကနေ့(အောက်တိုဘာ ၈ရက်) မှာ Y12 လေယာဉ်၊ တိုက်လေယာဉ်တွေနဲ့ ဗုံးများကြဲချတိုက်ခိုက်ခဲ့လို့ ဒေသခံ ပြည်သူ ၃၅၀ ကျော် ဘေးလွတ်ရာ တိမ်းရှောင်နေကြရတယ်လို့ KNU မြိတ်ထားဝယ်ခရိုင်က သတင်းထုတ်ပြန်ပါတယ်။

အခုနှစ် မေလမှာ ထီးခီးစစ်ကောင်စီစခန်းကို KNU ပူးပေါင်းတပ် သိမ်းပိုက်ပြီးတဲ့နောက် စစ်ကောင်စီတပ်က ဒီကနေ့မနက်မှာ Y12နဲ့ ဗုံးအလုံး ၄၀ ကျော် ကြဲချခဲ့သလို နေ့လည်ပိုင်းမှာလည်း တိုက်လေယာဉ်နဲ့ ထပ်မံ ဗုံးကြဲခဲ့တာလို့ ဆိုပါတယ်။

ဒီလိုတိုက်ခိုက်ခဲ့လို့ပြည်သူသေဆုံးထိခိုက် မရှိပေမယ့် ပြည်သူတွေရဲ့ ပစ္စည်းတွေ ဆုံးရှုံးခဲ့ရသလို ဒေသခံ ၃၅၀ ကျော် တိမ်းရှောင်နေကြရတယ်လို့ဆိုပါတယ်။ မြန်မာ-ထိုင်းနယ်စပ်မှာ စစ်ရှောင်နေကြရတဲ့ ထီးခီးဒေသခံတွေကို ထိုင်းနိုင်ငံဘက်က စားနပ်ရိက္ခာ၊ ဆေးဝါးနဲ့ အကူအညီပေးအပ်မှုတွေရှိတယ်လို့ သိရပါတယ်။

Public Service Announcement

အာဏာသိမ်းစစ်တပ်ဟာ အာဏာတည်မြဲဖို့ ရွေးကောက်ပွဲ ကျင်းပဖို့ ကြိုးပမ်းနေသလို လက်လွတ်ဆုံးရှုံးထားတဲ့ နယ်မြေတွေကိုလည်း ပြည်သူတွေ အကြောက်တရား ဖြစ်ပေါ်စေဖို့ ရည်ရွယ်ချက်ရှိရှိ လေကြောင်းတိုက်ခိုက်တာတွေ လုပ်ဆောင်နေကြောင်း KNU မြိတ်ထားဝယ်ခရိုင်က သတင်းထုတ်ပြန်ပါတယ်။