အာဏာသိမ်းမှု​​နောက်ဆက်တွဲ တိုက်ပွဲများ​ကြောင့်ပြည်သူ ၂၄၉,၆၀၀ စစ်​​ဘေး​ရှောင်​နေရ

စစ်တပ်ကအာဏာသိမ်းမှု​နောက်ဆက်တွဲတိုက်ပွဲများ​ကြောင့် မြန်မာနိုင်ငံတစ်ဝှမ်းတွင် နိုဝင်ဘာလလယ်အထိ အသစ်ထပ်မံနေရပ်စွန့်ခွာရွှေ့ပြောင်းနေထိုင်ရသူဦးရေ (စစ်​ဘေးဒုက္ခသည်) ၂၃၄,၆၀၀ထိ တိုးလာခဲ့​ကြောင်း UNHCR- ကုလသမဂ္ဂဒုက္ခသည်များဆိုင်ရာမဟာမင်းကြီးရုံးကထုတ်ပြန်သည်။

ထို့အပြင်နယ်စပ်မှတစ်ဆင့် အန္ဒိယနိုင်ငံသို့ထွက်​ပြေးတိမ်း​ရှောင်သူ ၁၅,၀၀၀ ရှိ​ကြောင်းလည်ပါရှိသည်။ ထို​ကြောင့် စစ်​ကောင်စီအာဏာသိမ်းမှု​ နောက်ဆက်တွဲ တိုက်ပွဲများ​ကြောင့် ထွက်​ပြေးတိမ်း​ရှောင်​နေရသူ သုံးသိန်းခန့် (၂၄၉,၆၀၀)ရှိလာခြင်း ဖြစ်သည်။

သို့​သော် စာရင်းများကိုတစ်နိုင်ငံလုံးလွှမ်းခြုံ​ကောက်ခံရန် ခက်ခဲခြင်း၊တိုက်ပွဲဧရိယာပိုများလာခြင်း​ကြောင့် ဒုက္ခသည်အ​ရေအတွက်မှာ ယခုအ​ရေအတွက်များစွာပို​ကြောင်း စစ်​ဘေးဒုက္ခသည်များကိုကူညီ​ပေး​​နေသူများက​ ပြောသည်။

ချင်းပြည်နယ် စစ်ကိုင်းတိုင်းနှင့် မကွေးတိုင်းဒေသကြီးအနှံ့အပြားတွင်လုံခြုံရေးအခြေအနေပိုမို ဆိုးရွားလျက်ရှိသည်။ ထန်တလန်မြို့မှ နေရပ်စွန့်ခွာထွက်ပြေးသော ထောင်နှင့်ချီသည့် အရပ်သားများသည် အိန္ဒိယ-မြန်မာနယ်စပ်တလျှောက်ရှိကျေးရွာများတွင်ခိုလှုံနေထိုင်လျက်ရှိကြသည်။ နေရပ်စွန့်ခွာထွက်ပြေးနေရသူများနှင့်ဒေသခံများသည် စားနပ်ရိက္ခာ၊ လောင်စာဆီနှင့် ဆေး၀ါးအထောက်အပံ့များပြတ်လပ်မှုနှင့်ရင်ဆိုင်​နေရသည်ဟု UNHCRက ဆိုသည်။

Public Service Announcement