မကွေးတိုင်း မြိုင်မြို့နယ်တွင် အကြမ်းဖက်စစ်ကောင်စီတပ်မှ အင်အားတိုးချဲ့လာသဖြင့် သတိပြုလိုက်နာရမည့်အချက်များကို ယနေ့ (ဒီဇင်ဘာ ၁၀ ရက်) မြိုင် PDF က ထုတ်ပြန်သည်။
“ဒီဇင်ဘာ ပထမပတ်ကစပြီး အင်အားတိုးနေတယ်။ ၁၀၀ ကျော်လောက်ရှိမယ်။သူတို့ (အကြမ်းဖက်စစ်ကောင်စီ) ရဲ့လှုပ်ရှားမှုတွေကို ဆက်လက်စောင့်ကြည့်နေတယ်”ဟု မြိုင် PDFမှ တာဝန်ရှိသူတစ်ဦးက လူထုနွေဦးသို့ ပြောသည်။
ထို့ကြောင့် မြိုင်မြို့နယ်အတွင်း နံနက် ၆နာရီမှ ည၆ နာရီအတွင်းသာ ခရီးသွာလာရန်နှင့် သွားလာရာတွင် ကားမှန်များကို ချမောင်းနှင်ရန်လည်း အသိပေးသည်။
ထို့အပြင် အကြမ်းဖက်စစ်ကောင်စီအသုံးပြုနေသည့် ရေနံကားများနှင့် ကပ်မလိုက်ရန်လည်း လိုအပ်ပြီး ယခုထုတ်ပြန်ချက်ကို မလိုက်နာ၍ ဖြစ်ပေါ်လာသော နောက်ဆက်တွဲများအား တာဝန်မယူပါကြောင်းလည်း သတိပေးသည်။
Public Service Announcement
မိဘပြည်သူများအနေဖြင့် အရေးကြီးစာရွက်စာတမ်းများပစ္စည်းများကို သေချာစွာသိမ်းစည်းရန်၊အရေးပေါ်သုံးပစ္စည်းများ (မိုးကာ၊စောင်)ကို အရန်သင့်ထားရှိရန် နှင့် အကြမ်းဖက်စစ်ကောင်စီလမ်းကြောင်းမှ ရှောင်ရှားကြပါရန်မေတ္တာရပ်ခံထားသည်။
