မတ်-၆၊၂၀၂၆၊ရှိန်း/ People’s Spring
စစ်တပ်က ပြန်လည်ထိန်းချုပ်သွားတဲ့ မတ္တရာမြို့နယ်မှာ ပြည်သူတွေ နေအိမ်တွေမှာပြန် နေဖို့စည်းရုံးပြီးတဲ့နောက် PDFနဲ့ နီးစပ်တယ်လို့သံသယရှိသူတွေကို စစ်တပ်က ဆက်တိုက်ဖမ်းဆီးနေတယ်လို့ ဒေသခံတွေက ပြောပါတယ်။
မတ္တရာမြို့နယ်ကို စစ်တပ်က ၂၀၂၅ နိုဝင်ဘာမှာ ပြန်ထိန်းချုပ်ပြီးနောက် ပြည်သူတွေ နေအိမ်ပြန်မလာပါက အိမ်ချိတ်ပိတ်မှာဖြစ်ပြီး နေအိမ်ပြန်လာနေပါက ဖမ်းဆီးမှုမလုပ်ဘူးလို့ စစ်တပ်က လိမ်လည်စည်းရုံးပြီး ပြန်ခေါ်ခဲ့တာလို့ သိရပါတယ်။
ဇန်နဝါရီလကုန်ပိုင်းမှာ ကျေးရွာဒေသခံတချို့ဟာ နေအိမ်ပြန်နေကြပြီး စစ်တပ်က နေအိမ်ပြန်နေခဟုဆိုကာ တစ်အိမ်ကို ကျပ် ၃၀၀၀၀နဲ့ လူစာရင်း တွေပေးရတယ်လို့ ဒေသခံတွေက ပြောပါတယ်။
Public Service Announcement
ဒါပေမယ့် ပြည်သူတွေနေအိမ်ပြန်ဝင်ပြီးနောက် စစ်တပ်က အရင်က PDFနဲ့နီးစပ်သူ၊သံသယရှိသူတွေကို ဖမ်းဆီးတာမျိုးပြုလုပ်ခဲ့တာလို့ သိရပါတယ်။
ဖမ်းဆီးခံရသူတွေဟာ ကျွဲကျရွာက ၃ဦး၊စကျင်ရွာက ၇ ဦး၊အုတ်ကန်နဲ့ ဒီဃာကျေးရွာက ၃၀ကျော် ဖမ်းဆီးခံထားရတယ်လို့ သိရပါတယ်။
“ထောင်ဒဏ်အနှစ်၂၀နဲ့ ၁၀နှစ် ကျော်ချလိုက်တဲ့သူ တွေလည်းပါတယ်”လို့ ဒေသခံတစ်ဦးက ပြောပါတယ်။
အခုရက်ပိုင်းလည်း စစ်တပ်က မတ္တရာမြို့နယ် အနောက်ခြမ်းမှာ စစ်ကြောင်းလှုပ်တဲ့ပုံစံပြကာ အရှေ့ခြမ်းမှာ လူငယ်တွေ ပေါ်တာဆွဲဖမ်းဆီးတာတွေပြုလုပ် နေတယ်လို့ ဒေသခံတွေက ပြောပါတယ်။
