မကွေးတိုင်း၊ပခုက္ကူမြို့နယ်၊ မြစ်ခြေမြို့ တန့်ကြည်တောင်လမ်းတွင် အကြမ်းဖက်စစ်ကောင်စီတပ်ယာဥ်တန်းကို မိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၇ ဦးခန့်သေဆုံးနိုင်ကြောင်းပခုက္ကူမြို့နယ် ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ယနေ့ (ဒီဇင်ဘာလ ၁၃ ရက်နေ့ )နံနက် ၈နာရီ ဝန်းကျင်က ပခုက္ကူမြို့နယ်၊မြစ်ခြေမြို့၊တန့်ကြည်တောင် -ယောလမ်းတွင် အကြမ်းဖက်စစ်ကောင်စီတပ် အင်အား ၃၀ ခန့်ပါသောယာဥ်တန်းမှ ကား (၂)စီး အားမိုင်းဆွဲတိုက်ခိုက်ခဲ့ရာ ယာဥ် (၂) ၁စီးမှာပျက်စီး ပြီး ၁စီးမှာစုတ်ပြတ်ခဲ့ကာ (၇)ဦးခန့် သေဆုံး၍ ၁၀ ဦးထက်မနည်း ထိခိုက်ဒဏ်ရာရရှိသည်ဟု ခန့်မှန်းရကြောင်းထုတ်ပြန်ထားသည်။ အသေးစိတ်မြေပြင်အခြေအနေကို စုံစမ်းနေဆဲဖြစ်ကြောင်းလည်းပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ PPDF အသိပေးသည်။
အဆိုပါ တိုက်ခိုက်မှုအား PPDF နှင့် မြစ်ချေး၊ကွန်းချောင်း ကာကွယ်ရေးအဖွဲ့ MC- KC DF တို့က ပူးပေါင်းမိုင်းဆွဲ တိုက်ခိုက်ခဲ့ခြင်းဖြစ်ကြောင်း သတင်းထုတ်ပြန်ချက်တွင် ဖော်ပြသည်။
