မေ – ၁၄ ၊၂၀၂၆ ၊ ဆိုင်းမင်း/People’s Spring
မွန်ပြည်နယ်၊ရေး-သံဖြူဇရပ်ကားလမ်းပိုင်းမှာ လက်ပြန်ကြိုးတုပ်ခံထားရပြီးဦးခေါင်းသေနတ်ဒဏ်ရာတွေနဲ့သေဆုံးနေတဲ့အမျိုးသားရုပ်အလောင်းသုံးလောင်းကိုဒီနေ့ (မေလ ၁၄ ရက်) မနက်ပိုင်းကတွေ့ခဲ့တယ်လို့လူမူကူ ညီရေးလုပ်ကိုင်သူအချို့ဆီက သိရပါတယ်။
ဒီနေ့မနက် ၈ နာရီခွဲအချိန်ဝန်းကျင်ကစမ်းကြီးကျေးရွာရေး – သံဖြူဇရပ်ကားလမ်းမပေါ်ရှိမိုင်တိုင်အမှတ်၅၀/၅ အနီးမှာနှိပ်စက်သတ်ဖြတ်ခံရတဲ့ လက္ခဏာတွေနဲ့ အမျိုးသားသုံးဦးရဲ့ ရုပ်အလောင်းတွေကိုတွေ့ခဲ့တာပါ။
“လက်တွေကိုနောက်ပြန်ကြိုးတုပ်ထားတယ်၊နဖူးနဲ့နားထင်တွေမှာ သေနတ်ဖောက်ဝင်ဒဏ်ရာတွေတွေ့ရပါတယ်”လို့ လူမူကူညီရေး လုပ်ကိုင်သူက ဆိုပါတယ်။
Public Service Announcement
သတ်ဖြတ်ခံထားရတဲ့အမျိူးသားသုံးဦးရဲ့ရုပ်အလောင်းဘေးမှာရေနံချေးသုတ်ရာမှာအသုံးပြုတဲ့ပုံးအဟောင်းနှစ်လုံးကိုလည်းတွေ့ခဲ့ရတယ်လို့သူက အသိပေးပါတယ်။
သေဆုံးသူတွေဟာပဲခူးတိုင်းဒိုက်ဦးမြို့နယ်၊ရွှေအင်ဒုံကျေးရွာမှာနေထိုင်တဲ့အသက် ၃၆ နှစ်အရွယ်ဦးဌေးအောင်၊ပြွန်တန်ဆာမြို့နေ အသက် ၂၆ နှစ်အရွယ်ကိုအောင်ပြည့်စုံ နဲ့ ကိုရဲထက်အောင်တို့ဖြစ်တယ်လို့ သိရပါတယ်။
သေဆုံးသူသုံးဦးဟာသံဖြူဇရပ်မြို့နယ်၊အောင်ချမ်းသာရပ်ကွက်ကတည်းခိုခန်းတစ်ခုမှာလတ်တလော တည်းခိုနေထိုင်နေကြတာလို့ ကနဦး သိထားရပါတယ်။
သတ်ဖြတ်ခံရတဲ့ဖြစ်စဉ်နဲ့ပတ်သက်ပြီးအသေးစိတ်ကိုတော့မသိရသေးပါဘူး။
