မေ-၂၂၊၂၀၂၆။ဇော်ရမ်း/People’s Spring
ဂွမြို့နယ်၊ကျိန္တလီမြို့ပေါ်ကို အာဏာသိမ်းစစ်တပ်ကဂျက်ဖိုက်တာနှစ်စီးနဲ့ ဗုံးကြဲသွားတာကြောင့် ဒေသခံအရပ်သားကိုးဦးဒဏ်ရာရခဲ့ပါတယ်။
မေလ ၂၁ ရက်၊ မနက်၉ နာရီခန့်မှာ ဗုံးကြဲသွားတာဖြစ်ပြီး မြို့ပေါ်က အမှတ် (၂) ရပ်ကွက်ကိုဦးတည်ပြီးဗုံးကြဲခံ့တာလို့ဒေသခံတွေကပြောပါတယ်။
အဲဒီတိုက်ခိုက်မှုကြောင့် နေအိမ်နှစ်လုံးပျက်စီးသွားပြီး အိမ်ထဲမှာရှိနေတဲ့ အမျိုးသမီးငါးဦး၊ အမျိုးသားလေးဦးဒဏ်ရာရခဲ့တယ်လို့ဒေသခံတဦးကပြောပါတယ်။
Public Service Announcement
အာရက္ခတပ်တော်(AA)သိမ်းယူထားတဲ့ကျိန္တလီမြို့ဟာ ဧရာဝတီတိုင်းနဲ့ဆက်စပ်နေပါတယ်။ စစ်ကောင်စီက ငါးသိုင်းချောင်း-ဂွလမ်းကတဆင့် ရခိုင်ပြည်နယ်ကိုထိုးစစ်ဆင်ဖို့ ကြိုးစားနေပြီး ငါးသိုင်းချောင်း-ဂွလမ်းမှာရှိနေတဲ့ အမြောက်တပ်(၃၄၄)ကို AAနဲ့ ပူးပေါင်းတပ်တွေကတိုက်ခိုက်နေကြပါတယ်။
စစ်တပ်ကရခိုင်ပြည်နယ်ကဆုံရှုံးထားတဲ့မြို့နယ်တွေကိုပြန်လည်ထိန်းချုပ်ဖို့ကြိုးပမ်းနေပေမယ့် AA ရဲ့တိုက်ခိုက်မှုကြောင့် စစ်မျက်နှာတိုင်းမှာစစ်တပ်အထိနာနေပါတယ်။စစ်တပ်ကအရပ်သားပြည်သူတွေကိုပစ်မှတ်ထားဗုံးကြဲတိုက်ခိုက်နေလို့ လုံခြုံရေးသတိပြုဖို့ AAက မကြာခဏသတိပေးနေပါတယ်။
