နှမ်းခါးရွာကို စစ်ကောင်စီတပ်က ရဟတ်ယာဥ်သုံးစီးဖြင့် ပစ်ခတ်၊ အနည်းဆုံးပြည်သူ သုံးဦးသေဆုံးဟု ဒေသခံပြော

အကြမ်းဖက်စစ်ကောင်စီတပ်သည် နှမ်းခါးရွာသို့ ရဟတ်ယာဉ် သုံးစီးဖြင့် ပစ်ခတ်ဝင်ရောက်စီးနင်းခဲ့ပြီး ပြည်သူ အနည်းဆုံးပြည်သူ သုံးဦး သေဆုံးနိုင်ကြောင်း ဒေသခံများက ပြောသည်။

ယနေ့(ဒီဇင်ဘာ ၁၇ ရက်)နေ့လည် ၂ နာရီခွဲခန့်ကစ၍ အကြမ်းဖက်စစ်ကောင်စီတပ်သည် ကလေးမြို့နှင့် ယောဒေသအစပ်ရှိ နှမ်းခါးရွာသို့ ဝင်ရောက်စီးနင်းခဲ့ခြင်း ဖြစ်သည်။

“စက်သေနတ်တွေရော၊ဗုံးတွေနဲ့ပါ ပစ်တာ။ ကျွန်မတို့ သေပြေ၊ ရှင်ပြေး တစ်ရွာလုံး ပြေးနေရတာ။အခုတော့ နည်းနည်းလုံခြုံတဲ့နေရာတော့ ရောက်ပြီ။ ရွာက ငါးယောက်လောက် ကျည်ထိသေသွားတယ်လို့ သိရတယ်”ဟု နှမ်းခါးရွာခံ တစ်ဦးက ယနေ့ည ၉ နာရီတွင် လူထုနွေဦးသို့ ပြောသည်။

လက်ရှိတွင် အကြမ်းဖက်စစ်တပ်သည် အင်အား ၁၀၀ခန့်ဖြင့် နှမ်းခါးကျေးရွာတွင် ပိတ်ဆို့တပ်စွဲထားသည်။

Public Service Announcement

“ပြည်သူတွေ သေတယ်လို့တော့ အကြမ်းဖျင်း သိရတယ်။အတည်ပြုဖို့က ခဲယဥ်းနေတယ်”ဟု ကလေး ပ.အ.ဖ မှ တာဝန်ရှိသူတစ်ဦးက ပြောသည်။

စက်တင်ဘာအတွင်းကလည်း နှမ်းခါးကျေးရွာရှိ နေအိမ်၆‌၀ခန့်ကို အကြမ်းဖက်စစ်ကောင်စီက မီးရှို့ ဖျက်စီးခဲ့သည်။