အုပ်စုဗိုလ် ဂျာမနီ နဲ့ အ​မေရီကန် ရှုံးပွဲကြုံ

ဇွန်-၂၆၊၂၀၂၆။People’s Spring

ကမ္ဘာ့ဖလား ပြိုင်ပွဲ ၁၅ ရက်​မြောက်​နေ့ယှဥ်ပြိုင်တဲ့ အုပ်စုသုံးစုရဲ့​​နောက်ဆုံးပွဲစဥ်​တွေမှာ အုပ်စုဗိုလ် ဂျာမနီ နဲ့ အ​မေရီကန်တို့ ရှုံးပွဲ​တွေ့ခဲ့ပြီး ​အောက်စု​အောက်ဆုံးကအီ​ကွေ​ဒေါ ဟာ ဥ​ရောပထိပ်သီး ဂျာမနီကို အနိုင်ရတာ​ကြောင့်ရမှတ် ၄ မှတ် နဲ့အုပ်စုတတိယ​နေရာရပြီး ​ရှုံးထွက်အဆင့်တက်ဖို့ အ​ခြေအ​နေ​ကောင်းသွားပါတယ်။

၂၀၂၆ အုပ်စု D ,E,F ရဲ့အုပ်စု ​​နောက်ဆုံးပွဲစဥ်​တွေ ယှဥ်ပြိုင်တာမှာ အုပ်စု D ဇယားထိပ်ကအ​မေရီကန်​ရော ၊အုပ်စု E ဗိုလ် ဂျာမနီ​ရော ရှုံးပွဲကြုံခဲ့တာပါ ။ အီ​ကွေ​ဒေါက ​ရှေ့မှာ ၂ ပွဲကစားတာမှာ ၁ ပွဲရှုံး ၊၁ ပွဲသ​ရေရလဒ်​ကြောင့် ၁ မှတ်သာရခဲ့ပြီး အုပ်စု​နောက်ဆုံးပွဲမှာ ဇယားထိပ်က ဂျာမနီနဲ့ယှဥ်ပြိုင်ရမှာ​ကြောင့် အုပ်စုပြုတ်​တော့မယ်လို့ ​ဘောလုံးသုံးသပ်သူအများစုထင်ခဲ့ကြတာပါ။ ဒါ​ပေမယ့် အဓိကကစားသမားအစုံနဲ့ ပွဲထုတ်ခဲ့တဲ့ ဂျာမနီကို ၂ ဂိုး ၁ ဂိုးနဲ့ အံအားသင့်ဖွယ်အနိုင်ရခဲ့ပါတယ်။

အီ​ကွေ​ဒေါက ရမှတ် ၄ မှ နဲ့ အုပ်စုတတိယရတာ​ကြောင့် အ​ကောင်းဆုံးတတိယ​နေရာရ ၈သင်းအ​နေနဲ့​နောက်တစ်ဆင့်တက်ဖို့ ​သေချာသ​လောက်ဖြစ်သွားပါတယ် ။ ​ရှေ့ ၂ပွဲစလုံးနိုင်ခဲ့တဲ့ဂျာမနီ ကလည်း ရှုံးပွဲကြုံ​​ပေမယ့် အုပ်စုဗိုလ်အဖြစ် ရှုံးထွက်အဆင့်တက်ခဲ့ပါတယ်။အိုင်ဗရီကိုစ်ကလည်း ကျူရာ​ဆောင်းကို ၂ ဂိုးပြတ်နိုင်ပြီး ရမှတ် ၆ မှတ် ၊ဂိုးကွာဟချက် နည်းလို့ အုပ်စုဒုတိယ​နေရာက​နေ ၃၂ သင်းရှုံးထွက်အဆင့်တက်ခဲ့ပါတယ်။

Public Service Announcement

အုပ်စု D မှာပုံစံ​ကောင်း​တွေပြ​နေတဲ့ အုပ်စုဗိုလ်ဘအ​မေရီကန်ကို ​အုပ်စုကပြုတ်သွားပြီဖြစ်တဲ့ တူရကီက ၃ ဂိုး-၂ ဂိုးနဲ့ အကြိတ်အနယ်ကစားပြီး သိက္ခာဆည်တဲ့အ​နေနဲ့အနိုင်ရ​အောင်ကန်ခဲ့ပါတယ် ။ အိမ်ရှင်အ​မေရီကန်အသင်းအဖွင့်ဂိုးစသွင်းနိုင်​ပေမယ့် ​တူရကီကိုရှုံးနိမ့်ခဲ့ပါတယ် ။ဒါ​ပေမယ့် အ​မေရီကန်က အုပ်စုဗိုလ်အ​နေနဲ့ ၃၂ သင်းရှုံးထွက်အဆင့်ကိုတက်ခဲ့ပါတယ် ။

၃ မှတ်စီရထားတဲ့ပါရာ​​ဂွေး နဲ့ သြစ​တြေးလျတို့က ဂိုးမရှိသ​ရေရလဒ်ထွက်တာ​ကြောင့်သြစ​တြေးလျက ဂိုးကွာခြားချက်အသာ နဲ့အုပ်စု ဒုတိယရပြီး ရှုံးထွက်ကိုတက်ပါတယ်။

ပါရာ​ဂွေးကလည်း ၄ မှတ်နဲ့ အုပ်စုတတိယရတာမို့ ​နောက်တစ်ဆင့်တက်ဖို့အ​ခြေအ​နေ​ကောင်းပါတယ် ။ပါရာ​ဂွေးအတွက် အနိုင်ဂိုးကို ဂွန်ဇာလိုပလက်တာက ပွဲချိန် ၇၇ မိနစ်မှာသွင်းယူ​ပေးခဲ့တာပါ။

အုပ်စု F မှာနယ်သာလန်က တူနီးရှားကို ၂ ဂိုး-ဂိုးမရှိနဲ့နိုင်ပြီး​ရှုံးထွက်အဆင့်တက်ပါတယ်။ ၃၂ သင်းအဆင့်ရှုံးထွက်မှာ အုပ်စု C ကဒုတိယ ​မော်ရိုကိုနဲ့ ယှဥ်ပြိုင်ရမှာဖြစ်ပါတယ် ။

ဂျပန်နဲ့ ဆွီဒင်တို့ပွဲမှာ တစ်ဘက်တစ်ဂိုးစီနဲ့သ​ရေကျပြီး ၅ မှတ်ရ ဂျပန်က အုပ်စုဒုတိယရပြီး ရှုံးထွက်မှာ ဘရာဇီးနဲ့ထိပ်တိုက်​တွေ့ဆုံပါတယ် ။ဆွီဒင်က​တော့ ရမှတ် ၄ မှတ်နဲ့ ရှုံးထွက်အဆင့်တက်ဖို့ အ​ကောင်းဆုံး တတိယအသင်း ၈ သင်းစာရင်းဝင်ဖို့အ​ခြေအ​နေ​ကောင်းသွားပါတယ် ။

အုပ်စု ၆ စုရဲ့​နောက်ဆုံးပွဲ​တွေ ယှဥ်ပြိုင်ပြီးချိန်မှာ ၃ ပွဲစလုံးအနိုင်စံချိန်ကို မက္ကဆီကိုအသင်း ၁ သင်းတည်းထိန်းနိုင်​သေးပါတယ်။