Connect with us

Hi, what are you looking for?

သတင်း

ရေဦးမြို့က ဗိုလ်ချုပ်ကြေးရုပ်ကိုလည်း စစ်အုပ်စုကဖျက်ဆီးပြန်

စစ်ကိုင်းတိုင်းရေဦးမြို့မှာရှိတဲ့ဗိုလ်ချုပ်အောင်ဆန်း ကြေးရုပ်ကို ယမန်နေ့(ဇွန်လ ၂၇ရက်) ညနက်ပိုင်းမှာ စစ်အုပ်စုက ဘူဒိုဇာနဲ့ထိုးပြီး ဖြိုချဖျက်ဆီးသွားပါတယ်။

(​ရေဦးမြို့က ဗိုလ်ချုပ်ရုပ်ထု မဖျက်ဆီးခံရစဥ်။ဓါတ်ပုံ-CJ )

ဇွန်-၂၈၊၂၀၂၆။စိုင်းနောင်/People’s Spring

စစ်ကိုင်းတိုင်းရေဦးမြို့မှာရှိတဲ့ဗိုလ်ချုပ်အောင်ဆန်း ကြေးရုပ်ကို ယမန်နေ့(ဇွန်လ ၂၇ရက်) ညနက်ပိုင်းမှာ စစ်အုပ်စုက ဘူဒိုဇာနဲ့ထိုးပြီး ဖြိုချဖျက်ဆီးသွားပါတယ်။

ရေဦးမြို့၊ အောင်မင်္ဂလာရပ်ကွက်မှာရှိတဲ့ ဗိုလ်ချုပ်အောင်ဆန်းကြေးရုပ်ကို လူခြေတိတ်ချိန်မှာဖျက်ဆီးသွားတာလို့ မြို့ခံအချို့ကပြောပါတယ်။

“ဒေသခံပြည်သူတွေကိုယ်တိုင် ငွေကြေးတွေထည့်ဝင်ပြီးတည်ဆောက်ခဲ့တာ။ ကျနော်တို့ယုံကြည်လေးစားရတဲ့ဗိုလ်ချုပ်ရဲ့အမှတ်တရပုံရိပ်ကိုဖျက်ဆီးသွားတာ”လို့ ဒေသခံတစ်ဦးကပြောပါတယ်။

Public Service Announcement

Public Service Announcement

ရေဦးမြို့ကဗိုလ်ချုပ်ကျေးရုပ်ကို အမျိုးသားဒီမိုကရေစီအစိုးရလက်ထက် ၂၀၁၈ခုနှစ်မှာ ဌာနဆိုင်ရာနဲ့ပြည်သူတွေပူးပေါင်းပြီး တည်ဆောက်ခဲ့တာဖြစ်ပါတယ်။ဗိုလ်ချုပ်ရုပ်တုကိုဖြိုချဖျက်ဆီးသွားတဲ့လုပ်ရပ်ကို မြို့ခံတွေနဲ့ တော်လှန်ရေးအင်အားစုတွေက ရှုတ်ချနေကြပါတယ်။

“နှစ်ပေါင်းများစွာအတွက်ကြိုတင်စဉ်းစားပြီးမှ ကားလမ်းမကြီးနဲ့လွတ်အောင်လည်း ပိုက်ဆံတွေအကုန်ခံပြီးမှ အကုန်လုံးတွက်ချက်ပြီးတည်ဆောက်ခဲ့တာ။ သေသေချာချာ အခန်းခမ်းနားနားတည်ဆောက်ခဲ့တဲ့ဗိုလ်ချုပ်ရုပ်ထုဖြစ်တယ်။ ညကတော့ ဖြိုချသွားပါပြီ” လို့ စစ်ကိုင်းဖက်ဒရယ်ယူနစ်လွှတ်တော်ဥက္ကဌဦးမြင့်ထွေးကပြောပါတယ်။

ဗိုလ်ချုပ် အောင်ဆန်းအပေါ်ပြည်သူလူထုရဲ့ချစ်ခင်မှုကိုအာဏာသိမ်းစစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်က မနာလိုတာနဲ့ ဗိုလ်ချုပ်အောင်ဆန်းရဲ့သမိုင်းကိုဖျောက်ဖျက်ချင်လို့ ဖျက်ဆီးနေတာလို့ ပြည်သူအချို့ကမှတ်ချက်ပြုပါတယ်။ နိုင်ငံအနှံ့မှာရှိနေတဲ့ဗိုလ်ချုပ် ကြေးရုပ်တွေကို စစ်အုပ်စုကလိုက်လံဖျက်ဆီးနေပြီး ဇွန်လ ၇ရက်နေ့ကလည်းတောင်ငူမြို့ ၁၇ ရပ်ကွက်၊ ကန်လမ်းအတက်၊ ဗိုလ်ချုပ်ရင်ပြင်မှာထားရှိတဲ့ ဗိုလ်ချုပ်ကြေးရုပ်ကို စစ်အုပ်စုက ဖျက်ဆီးသွားခဲ့ပါတယ်။

ရေဦးမြို့မှာ လက်ရှိ တိုက်ပွဲဖြစ်ပွားခြင်းမရှိပေမယ့် စစ်ကောင်စီက စစ်မှုထမ်းသင်တန်းဆင်းတွေနဲ့အင်အားဖြည့်ထားပါတယ်။ တိုင်းရင်းဆေးရုံနဲ့ မြို့အဝင်က အရပ်သားပြည်သူတွေပိုင်တဲ့အဆောက်အအုံတွေမှာ စစ်တပ်က ကတုပ်ကျင်းတွေတူးပြီးအခိုင်မာတပ်စွဲထားပါတယ်။ပြီးခဲ့တဲ့ဇွန်လလယ်က စစ်မှုထမ်းဖို့အတွက်ဖမ်းဆီးခံထားရတဲ့ အမျိုးသားခုနစ်ဦးဟာ ရေဦးမြို့နယ် ပကဖထံကို ထွက်ပြေးလွတ်မြောက်လာခဲ့ပါတယ်။

ဆက်စပ်သတင်းများ

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

အပြည်ပြည်ဆိုင်ရာတရားရုံး(ICJ)မှ ချမှတ်ရန်ရှိတဲ့ စီရင်ချက်နဲ့ စစ်အုပ်စု ကာလရှည်ကြာ အကျိုးခံစားနေတဲ့ ပြစ်ဒဏ်ကင်းလွတ်ခွင့်ကို အဆုံးသတ်နိုင်ဖို့ အားထားမျှော်မှန်းလျက်ရှိကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြားခဲ့ပါတယ်။

သတင်း

နိုင်ငံတကာပါလီမန်က CRPHကို ဆက်အသိအမှတ်ပြုတာ၊ ကုလမှာ စစ်အုပ်စုကိုယ်စားပြုခွင့်မရတာ၊ အာဆီယံ ထိပ်သီးအစည်းအဝေး တက်ခွင့်မရတာတွေနဲ့ စစ်အုပ်စုလိုချင်တဲ့ အသိအမှတ်ပြုမှု ရ၊မရ တိုင်းတာနိုင်ဟုဆို

သတင်း

၂၀၂၁ စစ်တပ်အာဏာသိမ်းပြီးကတည်းက အာဆီယံထိပ်သီးညီလာခံတက်ရောက်ခွင့် ပိတ်ပင်ခံထားရတဲ့ မြန်မာ့အရေးနဲ့ပတ်သက်လို့ လာမယ့်နိုဝင်ဘာမှာ အာဆီယံအဖွဲ့ဝင်နိုင်ငံတွေရဲ့ ဆွေးနွေးမှုတွေကို မျှော်လင့်ထားတယ်လို့ ထိုင်းနိုင်ငံခြားရေးဝန်ကြီး ဆီဟာဆက်က ရိုက်တာသတင်းဌာနကို ပြောပါတယ်။