ကလေးမြို့ နတ်ချောင်းကျေးရွာအားအကြမ်းဖက် စစ်ကောင်စီတပ်က ဒီဇင်ဘာ ၂၃ ရက်တွင်စစ်လေယာဥ်အသုံးပြုတိုက်ခိုက်မှုကြောင့် ပြည်သူ ရှစ်ဦးသေဆုံးခဲ့ကြောင်းနတ်ချောင်းရွာပြည်သူ့ကာကွယ်ရေးအဖွဲ့က ယနေ့ထုတ်ပြန်သည်။
ဒီဇင်ဘာ ၂၃ ရက်က ပစ်ခတ်ခံရမှုကို ချက်ချင်းမစိစစ်နိုင်ခဲ့ဘဲ ကျေးရွာအတွင်း ယနေ့(ဒီဇင်ဘာ ၂၄ရက်) သွားရောက်စစ်ဆေးရာ သေဆုံးနေသည့် ရုပ်အလောင်း ရှစ်လောင်း
တွေ့ခဲ့ရခြင်းဖြစ်ကြောင်း ဖော်ပြထားသည်။ထိုအပြင်ဒေသခံနှစ်ဦးပိုင်ဆိုင်သည့် စပါးခင်းနှစ်ခင်းကို မီးရှို့ ခံခဲ့ရသည်ဟုပါရှိသည်
ကွယ်လွန်ခဲ့ရှစ်ဦးတွင် အမျိုးသား ၅ ဦး ၊အမျိုးသမီး ၃ ပါဝင်သည်။၎င်းတို့မှာ ဦးမောင်ကြည်၊ဒေါ်ဌေးမ၊ဦးအေးကို၊ဦးမြင့်ဇော်၊ ဖိုးအေး၊အင်အား၊ မအေးစိုးနှင့် အမည်စိစစ်ဆဲ အမျိုးသမီးတစ်ဦး ဖြစ်ကြောင်း နတ်ချောင်းရွာပြည်သူ့ကာကွယ်ရေးအဖွဲ့က ထုတ်ပြန်ထားသည်။
ဦးမောင်ကြည်၊ဒေါ်ဌေးမသည် အိမ်နီးချင်းကိုယ်ဝန်ဆောင်အမျိုးသမီးတစ်ဦးအား စစ်သားများက ဖမ်းဆီးခေါ်ဆောင်နေသည်ကို ဝင်တားဆီးစဥ် ပစ်သတ်ခံရခြင်းဟုပါရှိသည်။
Public Service Announcement
အထက်ပါစာရင်းမှာ လတ်တလော သိရှိထားသမျှကိုသာ ဖော်ပြထားခြင်းဖြစ်ပြီး စစ်ကောင်စီ၏ ရန်ကြောင့် ကျေးရွာအတွင်း နေရာအနှံ့သို့ လိုက်မကြည့်နိုင်သေးဟုလည်းဆိုသည်။ ထိုကြောင့်သေဆုံးသူဒေသခံပြည်သူစာရင်း တိုးနိုင်သည်ဟု စစ်ဘေးရှောင်နေရသည့် ဒေသခံတစ်ဦးကပြောသည်။ထို့အပြင် ယနေ့(ဒီဇင်ဘာ ၂၄) နေ့လယ် ၁၁ နာရီခန့်တွင် ဒေသခံဦးဘိုနုနှင့်ဦးဝင်းအောင်ပိုင်ဆိုင်သောစပါးခင်းနှစ်ခင်းကို အကြမ်းဖက်စစ်ကောင်စီတပ်ကမီးရှို့ဖျက်ဆီးသွားသည်ဟု ဒေသခံများကပြောသည်။ နတ်
အကြမ်းဖက်စစ်ကောင်စီသည် Kalay PDF၊ CNFနှင့်ဒေသတွင်း မဟာမိတ်အဖွဲ့များ၏ ဒီဇင်ဘာ ၂၃ရက်နံနက်မှစတင်၍ တိုက်ပွဲဖြစ်ပွားပြီး ပိတ်ဆို့ခံထားရကာ အထိနာနေချိန်တွင် မွန်းလွဲ ၃ နာရီကျော်တွင် စစ်ရဟတ်ယာဥ် ၂ စင်းကနတ်ချောင်းရွာသို့ လာရောက်ပစ်ခတ်ခဲ့ခြင်းဖြစ်သည်။ နေ့လယ်မှစတင်ကာ နတ်ချောင်းကျေးရွာအား တိုက်ခိုက်ခဲ့ခြင်းဖြစ်သည်။ နတ်ချောင်းရွာ တိုက်ပွဲတွင် စစ်ကောင်စီတပ်မှအနည်းဆုံး ၁၆ ဦးသေဆုံးခဲ့ပြီး အများအပြားဒဏ်ရာရရှိခဲ့သည်။ နတ်ချောင်းရွာသို့စစ်ကူရန် လာရောက်သော စစ်ကားသုံးစီးမှာလည်း မိုင်းဆွဲခံရပြီး ၁၇ သေဆုံးခဲ့သည်။ ပြည်သူ့ကာကွယ်ရေးပူးပေါင်းတပ်များဘက်မှ ၁ ဦးသာဒဏ်ရာရရှိခဲ့ကြောင်းကလေး PDFကထုတ်ပြန်ထားသည်။
