စက်တင်ဘာ၂၁-၂၀၂၆။ကတ်သရင်း/ People’s Spring
တံတားဦးလေတပ်တိုက်ခိုက်ခံရပြီးနောက် စစ်တပ်က စစ်ကြောင်းတွေ နွားထိုးကြီးမြို့နယ်အတွင်းဝင် ရောက်ကာ နွားထိုး- မြင်းခြံလမ်းပိုင်းက ကျေးရွာတချို့ကို ဝင်ရောက် တပ်စွဲပြီး အိမ်ထောင်စုစာရင်း ကောက်ယူနေတယ်လို့ ဒေသခံတွေကပြောပါတယ်။
စက်တင်ဘာ ၁၀ ရက်က စစ်တပ်ရဲ့ တံတားဦး လေတပ်စခန်းတိုက်ခိုက်ခံရပြီးနောက် စစ်တပ်က အင်အားအများအပြားနဲ့ နွားထိုးကြီးမြို့နယ်ဘက်ကိုစစ်ကြောင်းထိုးခဲ့တာလို့ သိရပါတယ်။
အဲဒီနောက် ခံတပ်ကုန်းနဲ့ ဖောင်ချဉ်းကျေးရွာက နေအိမ်တချို့ကို မီးဝင်ရှို့ခဲ့ပြီး နွားထိုး- မြင်းခြံလမ်းဘက်က ကျေးရွာတွေကို ဝင်ရောက်တပ်စွဲကာ အိမ်ထောင်စုစာရင်း ကောက်ယူတာ တွေပါပြုလုပ်နေတယ်လို့ ဒေသခံတွေက ပြောပါတယ်။
Public Service Announcement
“ပေါ်တာကိစ္စ တွေပါလာတယ်ထင်တာပဲ။အဓိက နွားထိုး- မြင်းခြံလမ်းပိုင်းကိုပဲထိုး နေတာ။နနွင်း တော်ဘိုးရွာကို အင်အား၂၀၀ လောက် ရောက် နေတာ တော့သုံးရက် လောက်ရှိပြီ”လို့ ဒေသခံတစ်ဦးက ပြောပါတယ်။
စက်တင်ဘာ ၁၀ရက်က တိုက်ပွဲဖြစ်ပွားပြီးနောက်ပိုင်း လတ်တလော တိုက်ပွဲဖြစ်သံတွေငြိမ် နေပြီး စစ်တပ် စစ်ကြောင်းတွေကတော့ ဒီလမ်းပိုင်းတွေမှာ ရှိနေဆဲဖြစ်တယ်လို့ သိရပါတယ်။
