မန္တလေးတိုင်း မတ္တရာမြို့နယ်တွင် စစ်အာဏာရှင်ဆန့်ကျင်ရေး ပြောက်ကျားသပိတ်ကို ယနေ့ပြုလုပ်ခဲ့ရာ နွေဦးတော်လှန်ရေးကာလအတွင်း ကျဆုံးခဲ့သည့် အာဇာနည်သူရဲကောင်းများအား အလေးပြုခြင်း အစီအစဉ်ကို ထည့်သွင်း ပြုလုပ်ခဲ့သည်။
ဇန်နဝါရီ ၁၆ရက် မတ္တရာကျေးလက်ဒေသတစ်ခု၌ ပြုလုပ်ခဲ့သည့် အဆိုပါ ဆန္ဒထုတ်ဖော်ပွဲတွင် ဒီမိုကရေစီရရှိရေး၊ စစ်အာဏာရှင်ကျရှုံးရေး၊ ဖမ်းဆီးထားသည့် ခေါင်းဆောင်များ လွတ်မြောက်ရေး အတွက် ကြွေးကြော်ခဲ့သည်။
အမျိုးသားညီညွတ်ရေးအစိုးရကိုထောက်ခံကြောင်း နှင့် အာဏာသိမ်းသည့် စစ်ကောင်စီ အလိုမရှိကြောင်းနှင့် အရေးတော်ပုံ အောင်ကိုအောင်ရမည် ဖြစ်ကြောင်း စသည့် ကြွေးကြော်သံများလည်း ပါဝင်သည်။
မတ္တရာနယ်တွင် စစ်အာဏာရှင် ဆန့်ကျင်ရေး ပြောက်ကျားသပိတ်ကို လုံခြုံရေးအခြေအနေအပေါ်မူတည်ပြီး လုပ်ဆောင်လျက်ရှိသည်။
Public Service Announcement
