မကွေးတိုင်း မင်းလှမြို့နယ်အခြေစိုက် ဒေသကာ ကွယ်ရေးတပ်ဖွဲ့ Triangle 3T PDF မှ ရဲဘော်တစ်ဦး စစ်ကောင်စီတပ်နှင့် ထိပ်တိုက်တွေ့စဥ် အဖမ်းမခံဘဲ ကိုယ်တိုင်အဆုံးစီရင်ကာ တော်လှန်ရေးအတွက် အသက်ပေးသွားကြောင်း ယင်းအဖွဲ့က ယနေ့ (ဇန်နဝါရီ ၂၇) ထုတ်ပြန်သည်။
ကျဆုံး PDF တပ်ဖွဲ့ဝင်မှာ ရဲဘော်ကျော်ကြီးဖြစ်ပြီး ဇန်နဝါရီ ၂၄ ရက်က တိုက်ခိုက်ရေးအစီအစဥ်တစ်ခုပြုလုပ်နေစဥ် စစ်ကောင်စီတပ်နှင့် ထိပ်တိုက်တိုးခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“Mission လုပ်ရန် ပြင်ဆင်နေစဉ် စစ်ခွေးများနဲ့ ထိပ်တိုက်ရင်ဆိုင်မိ၍ အဖမ်းမခံဘဲ ၊မိမိကိုယ်ကို ဗုံးဖြင့်ဖေါက်ခွဲကာ ကျဆုံးသွားခြင်းဖြစ်ပါတယ်”ဟု Triangle 3T PDF က ထုတ်ပြန်သည်။
Triangle 3T PDF အနေဖြင့် သူရဲကောင်း ရဲဘော်ကျော်ကြီး ကျဆုံးမှုနှင့်စပ်လျဥ်းပြီး အခြေအနေအပြည့်အစုံအား သတင်းထုတ်ပြန်လိုသော်လည်း မိသားစုလုံခြုံရေးအရ ချန်လှပ်ထားရသည်ကို နားလည်ပေးစေလိုကြောင်း လူထုနွေဦးသို့ ပြောသည်။
Public Service Announcement
