ဂန့်ဂေါမြို့နယ်တွင်တစ်နှစ်ခန့်အတွင်းကျဆုံးပြည်သူ ၇၆ ဦးရှိ

မကွေးတိုင်း ဂန့်ဂေါမြို့နယ်တွင် ဖေဖော်ဝါရီ ၁ ရက် စစ်အုပ်စုမှ အာဏာသိမ်းပြီးနောက်ပိုင်း နွေဦးတော်လှန်ရေးကာလအတွင်း ကျဆုံးပြည်သူ ၇၆ ဦးရှိကြောင်း ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က ယနေ့(ဇန်နဝါရီ ၂၇)ထုတ် ပြန်သည်။

တော်လှန်ရေးကာလအတွင်း ကျဆုံးသူများတွင် PDF ရဲဘော် ၄၄ ဦးနှင့် အရပ်သားပြည်သူ ၃၂ ဦးပါဝင်ပြီး အသက်မပြည့်သေးသူ ၁၄ ဦးပါဝင်ကြောင်း ထုတ်ပြန်ချက်တွင် ဖော်ပြသည်။

တော်လှန်ရေးရဲဘော် PDF တပ်ဖွဲ့ဝင်များတွင် မိုင်းမတော်တဆမှုနှင့် စမ်းသပ်စဥ်ပေါက်ကွဲမှုကြောင့် ၁၁ ဦးကျဆုံးပြီး အရပ်သားပြည်သူ များအနက် မြင်သားရွာ အကြမ်းဖက်စီးနင်ခံရမှုတွင် ၁၈ ဦး၊ နှမ်းခါးရွာလေကြောင်းတိုက်ခိုက်မှုတွင် ၉ ဦး အသီးသီးကျဆုံးခဲ့သည်ဟု ထုတ် ပြန်သည်။ ကျဆုံးသူများရှိ​​သော်လည်း လူမသိ့ဘဲ ၊သတင်းအချက်အလက်မရရှိ၍ မသိ့ခြင်းများလည်းရှိနိုင်​သေးပြီး အမှန်တစ်ကယ်​သေဆုံးမှုမှာ ယခုထက်ပိုများနိုင်​ကြောင်းလည်းသိ့ရသည်။

နွေဦးတော်လှန်ရေးကာလ ဖေဖော်ဝါရီ ၁ ရက်မှ ယခုနှစ်(၂၀၂၂)ဇန်နဝါရီအထိ ကျဆုံးပြည်သူ ၇၆ ဦးတွင် စက်တင်ဘာလတွင် ၂၉ ဦး၊ ဒီဇင်ဘာတွင် ၁၄ ဦးဖြင့် ကျဆုံးမှုအများဆုံးကာလဖြစ် သည်။

Public Service Announcement

ပြည်သူများအနေဖြင့် စစ်ကောင်စီတပ်များ၏ အကြမ်းဖက်မှုများ၊ မတော်တဆဖြစ်ရပ်များကြောင့် ထိခိုက်ကျဆုံးမှုများရှိပါက ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့ထံ သတင်း ပေးပို့နိုင်ကြောင်း အသိပေးထားသည်။