မြန်မာ့မီးရထားလုပ်ငန်းမှ ဦးဆောင်ညွန့်ကြားရေးမှူး အပါအဝင် အရာရှိ ၄၉ ဦးကို အမည်ပျက်စာရင်းသွင်းကာ ဝန်ထမ်းအဖြစ်မှာထုတ်ပယ်ကြောင်း အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ်ရုံးက ယနေ့ထုတ်ပြန်လိုက်သည်။
၎င်းတို့သည် တရားမဝင်အာဏာသိမ်းစစ်ကောင်စီ၏လက်အောက်တွင် တာဝန်ထမ်းဆောင်နေ ပြီး CDM ဝန်ထမ်းများကို ဖိအားပေးခြင်း၊ ခြိမ်းခြောက်ခြင်း၊ ရာထူးမှထုတ်ပယ်ခြင်း၊ ဝန်ထမ်းအဖြစ်မှထုတ် ပစ်ခြင်း၊ ဝန်ထမ်းများအတွက် အရပ်သားအစိုးရလက်ထက်က ထုတ်ပေးခဲ့သည့် ချေးငွေများကို အတင်းအဓမ္မ ပြန်လည်ပေးဆပ်ခိုင်းခြင်းများ စသည့် အမျိုးမျိုးသောဖိနှိပ်မှုများကိုကျူးလွန်နေခြင်းကြောင့်ဖြစ်သည်ဟုဖော်ပြထားသည်။
ပို့ဆောင်ရေးနှင့် ဆက်သွယ်ရေးဝန်ကြီးဌာန လက်အောက်ရှိ မြန်မာ့မီးရထားလုပ်ငန်းမှ အထက်ပါဝန်ထမ်းများကို အမည်ပျက်စာရင်းသွင်းလိုက်ပြီးဝန်ထမ်းအဖြစ်မှထုတ်ပစ် (Dismiss)လိုက်သည်ဟုပါရှိသည်။
“အခုထုတ်ပစ်တဲ့အထဲမှာ CDMဝန်ထမ်းတွေကို ဖိအားပေးနေတဲ့ လူတွေကျန်သေးတယ်၊ မြန်မြန်အရေးယူစေချင်တယ်”ဟု မီးရထား CDMဝန်ထမ်းတစ်ဦးကပြောသည်။
Public Service Announcement
NUGကထုတ်ပြန်သည့်မီးရထားဝန်ထမ်းများတွင်ဦးဆောင်
ညွန့်ကြားရေးမှူး ဦးအောင်မျိုးမြင့်ပါဝင်ပြီး၎င်းကိုစစ်ကောင်စီကခန့်အပ်ထားခြင်းဖြစ်သည်။
ထိုအပြင် အထွေထွေမန်နေဂျာများဖြစ်သည့် ဦးညီညီထွေး၊ ဦးမြင့်စိုး၊ ဦးအောင်ကျော်နိုင်၊ ဒေါ်သီသီနွယ်၊ ဦးစိုင်းသော်လင်းနှင့် ဦးနေမျိုးအေးတို့လည်းပါဝင်သည်။
၎င်းတို့ကို အကြမ်းဖက် စစ်ကောင်စီ၏လက်အောက်တွင် ဆက်လက်တာဝန်မထမ်းဆောင်ပဲ ဓမ္မဘက်မှရပ်တည်၍ ပြည်သူနှင့်တသားတည်းဖြစ် စေရန်နှင့် အမိန့်အာဏာဖီဆန်ရေးလှုပ်ရှားမှု (CDM) တွင်ပါဝင်ကြစေရန် အကြိမ် ကြိမ်ဖိတ်ခေါ် ကမ်းလှမ်းခဲ့ပြီးဖြစ်သည်ဟု NUGက ထုတ်ပြန်ထားသည်။
