စစ်ကိုင်းတိုင်း ရေဦး-တန့်ဆည်-ကံထူးမ လမ်းပိုင်းအား လုံးဝအသုံးမပြုရန် ပြည်သူ့ကာကွယ် ရေးအဖွဲ့များက ယနေ့(ဖေဖော်ဝါရီ ၉ ရက်) သတိပေးချက်ထုတ်ပြန်သည်။
တိုက်ပွဲများ ပြင်းထန်လာနိုင်ပါသဖြင့် ပြည်သူများသည် ရေဦး- တန့်ဆည် လမ်းပိုင်းနှင့် တန့်ဆည် -ကံထူးမလမ်းအား လုံးဝအသွားအလာမလုပ်ရန် ပြည်သူ့ကာကွယ်ရေးအဖွဲ့များက ဆိုသည်။
“အဓိကတော့ အများပြည်သူကို လုံးဝမထိခိုက်စေချင်ဘူး။လတ်တလော စစ်ခွေးတွေတွေ အားကိုးနဲ့ ပျူတွေရမ်းကားနေလို့ ကျွန်တော်တို့ဘက်က မတုံ့ပြန်ရင် ပိုးဆိုးလာမယ့်အနေ အထားကြောင့် လည်းပါတယ်။ ဒါကြောင့်လမ်းပိုင်းတွေကို ပိတ်ထားပါမယ်”ဟု Taze PDF တာဝန်ရှိသူတစ်ဦးက လူထုနွေဦးသို့ ပြောသည်။
ထို့အပြင် တန့်ဆည်မြို့နယ်အတွင်းမှ မိဘပြည်သူများနှင့် ခရီးသွားမိဘ ပြည်သူများခင်ဗျား ယခုရက်ပိုင်းတွင် တိုက်ပွဲဖြစ်နိုင်ချေ ရှိနေသောကြောင့် တန့်ဆည်-ကံထူးမ လမ်းပိုင်းအားလုံးဝ (လုံးဝ) အသွားအလာ မပြုလုပ်ကြ ပါရန်လေးစား စွာ ပန်ကြားအပ်ပါသည်”ဟု တန့်ဆည်မြို့နယ် ပြည်သူ့ ကာကွယ်ရေးအဖွဲ့က အသိပေးသည်။
Public Service Announcement
အလားတူ “ယခု ရေဦး-ကံထူးမ၊ ရေဦး-တန့်ဆည် လမ်းပိုင်းကို အသုံးပြုမှု လုံးဝ ရပ်ထားပေးပါ။မည်သည့်ကားမဆို သွားခွင့်မပြုပါ။သွားမည်ဆိုပါက တာဝန်မယူ ပါ။ပြင်ဆင်ထုတ်ပြန်ချက် မထုတ်မချင်း ရပ်ထားပါ “ဟုလည်း ရေဦးပြည်သူ့ ကာကွယ်ရေးအဖွဲ့က ပြောသည်။
ထိုလမ်းပိုင်းများအား ပြန်လည်အသုံးပြုနိုင်သော နေ့ရက်အား မိမိတို့ ပြည်သူ့ ကာကွယ်ရေး အဖွဲ့(ပကဖ)မှထပ်မံကြေညာပေးမည်ဟုလည်း ထုတ်ပြန်ချက် တွင် ဖော်ပြသည်။
