ချင်းတိုင်းရင်းသားတစ်ဦးဖြစ်သည့် အဆိုတော် ဘင်ဂျမင်ဆုမ်သည် ချင်းအမျိုးသားကာကွယ်ရေးတပ် (CNDF) ရဲဘော်များအား သွားရောက်အားပေးခဲ့ကြောင်း ချင်းအမျိုးသားအဖွဲ့ချုပ်(CNO)က ထုတ်ပြန်သည်။
အဆိုတော် ဘင်ဂျမင်ဆုမ်ကလည်း ထိုသို့သွားရောက်ခဲ့မှုနှင့်ပတ်သက်၍ ၎င်း၏ Facebook မှတစ်ဆင့် အသိပေးခဲ့ရာ “ I am a Freedom Fighter with a guitar (ကျွန်တော်ဟာ ဂီတာတစ်လက်ကိုင်တဲ့ လွတ်လပ်ရေးစစ်သည်တော်တစ်ယောက်ပါ) ၊ အရေးတော်ပုံအောင်ရမည်”ဟူ၍ ရေးသားခဲ့သည်။
အဆိုတော် ဘင်ဂျမင်ဆုမ်သည် Myanmar Idol မှာ ပါဝင်ယှဉ်ပြိုင်ခဲ့ခြင်း၊ ကိုယ်ပိုင်သီချင်းများ ထွက်ရှိခဲ့ခြင်းတို့ဖြင့် ပရိတ်သတ်အားပေးမှုများ ရရှိခဲ့သူဖြစ်ပြီး အခြားသောအနုပညာရှင်အများအပြား နည်းတူစစ်အာဏာရှင်ဆန့်ကျင်ရေးလှုပ်ရှားမှုတွင် ပါဝင်ခဲ့သူဖြစ်သည်။
CNO လက်အောက်ခံတပ်ဖြစ်သည့် CNDFသည် ချင်းပြည်နယ် ဖလမ်းမြို့နယ်အတွင်းနှင့် ဆက်စပ်ဒေသများ၌ စစ်ကောင်စီတပ်များကို ခုခံတိုက်ခိုက်လျက်ရှိသည်။
Public Service Announcement
ပြီးခဲ့သည့် ဇန်နဝါရီအတွင်းက ဖလမ်းမြို့နယ်တွင် CNDFနှင့် အကြမ်းဖက် စစ်ကောင်စီတပ်တို့ တိုက်ပွဲ ၁၂ကြိမ်ဖြစ်ခဲ့ပြီး စစ်ကောင်စီတပ်များ သေဆုံးထိခိုက်မှုများခဲ့သည်ဟု CNOက ထုတ်ပြန်ထားသည်။
