တီးတိန်မြို့နယ်တွင် စစ်​ကောင်စီယာဥ်တန်းကို မိုင်းဆွဲတိုက်ခိုက်၊ ၁၀ဦးထက်မနည်း​သေကြောင်း PDFနှစ်ဖွဲ့ထုတ်ပြန်

ချင်းပြည်နယ် တီးတိန်မြို့နယ်၊ဇောင်ကုန်ရွာတွင် အကြမ်းဖက်စစ်ကောင်စီယာဉ်တန်းကို ဒေသခံကာကွယ်ရေးတပ်ဖွဲ့နှစ်ခုက မိုင်းခွဲတိုက်ခိုက်ရာတွင် အကြမ်းဖက်စစ်ကောင်စီတပ်သား ၁၀ ဦးထပ်မနည်းသေဆုံးခဲ့​ကြောင်း ဒေသခံကာကွယ်ရေးတပ်များက သတင်းထုတ်ပြန်သည်။

ယနေ့(ဖေဖော်ဝါရီ ၁၅) မနက်ပိုင်းတွင် ဖလမ်းမြို့မှ တီးတိန်မြို့သို့ မောင်းနှင်လာသည့် အကြမ်းဖက်စစ်ကောင်စီ ယာဉ် ၂၃ စီးပါဝင်​သောယာဉ်တန်းကို ဇောင်ကုန်ရွာအနီးတွင် မိုင်းခွဲတိုက်ခိုက်ခဲ့ခြင်းဖြစ်သည် PDF-Zolandက ထုတ်ပြန်ထားသည်။

ထိုမိုင်းခွဲမူကို PDF-Zolandနှင့် ပြည်သူ့ကာကွယ်ရေးတပ်ဖွဲ့(စီးယင်း) Civic Defense Militia -CDM -Siyin တို့က ပူးပေါင်းတိုက်ခိုက်ခဲ့ခြင်းဖြစ်သည်ဟုဒေသခံပြည်သူ့ကာကွယ်ရေးတပ်နှစ်ခုလုံးက ထုတ်ပြန်ထားသည်။ တိုက်ပွဲတွင် ပြည်သူ့ကာကွယ်ရေးတပ်များဘက်မှ အထိအခိုက်မရှိဘဲ ပြန်လည်ဆုတ်ခွာနိုင်ခဲ့သည်ဟု CDM (စီးယင်း)အဖွဲ့က ထုတ်ပြန်ထားသည်။

ကလေး-သိုင်းငင်း-တီးတိန်လမ်းပိုင်းတွင် ဇန်နဝါရီ ၂၂ ရက် ဒေသခံကာကွယ်ရေးတပ်များနှင့် အကြမ်းဖက်စစ်ကောင်စီတပ်တို့ကြား သိုင်းငင်းရွာတိုက်ပွဲအပြီးနောက် ပထမဦးဆုံးအကြိမ် တိုက်ပွဲပြန်လည်ဖြစ်ပွားလာခြင်းဖြစ်သည်။ ထိုတိုက်ပွဲတွင် အကြမ်းဖက်စစ်ကောင်စီဘက်မှတိုက်လေယာဉ်နှင့် လက်နက်ကြီးပစ်ကူအများအပြားအသုံးပြုခဲ့ရပြီး ရက်သတ္တပါတ်ခန့်ကြာမြင့်ခဲ့သည်။

Public Service Announcement