'/%3E%3C/svg%3E){kind=small}
▪️လုံခြုံသည့်နေရာစီစဉ်ပေးထားဟု ဒီးမော့ဆိုPDF ထုတ်ပြန်
အကြမ်းဖက်စစ်ကောင်စီ၏ လေတပ်မှ ဗိုလ်ကြီးဇေသူအောင်သည် မိသားစုနှင့်အတူ CDM ပြုလုပ်လာ၍ ကောင်းမွန်စွာကြိုဆိုပြီး လုံခြုံသည့်နေရာ စီစဉ်ပေးထားကြောင်း ဒီးမော့ဆို ပြည်သူ့ကာကွယ်ရေးတပ်(PDF)က ယနေ့ သတင်းထုတ်ပြန်သည်။
နေပြည်တော် အမှတ်(၄၅)ကင်းထောက်လေယာဉ်စခန်းတွင် လုပ်သက်(၁၇)နှစ်ကျော် တာဝန်ထမ်းဆောင်ပြီး မန္တလေးတိုင်း ပြင်ဦးလွင်သို့ သင်တန်းတက်ရောက်နေသော လေတပ်အရာရှိ DSA အပတ်စဉ်(၅၀)၊ လေ-၃၄၇၄ ဗိုလ်ကြီးဇေသူအောင်သည် ဒီးမော့ဆို PDFထံ ဖေဖော်ဝါရီ ၁၅ရက်တွင် မိသားစုနှင့်အတူ CDM ပြုလုပ်ရန် ရောက်ရှိလာခဲ့သည်ဟု ဖော်ပြသည်။
အကြမ်းဖက်စစ်ကောင်စီတပ်၏ မတရားပြုလုပ်နေမှုများကို လက်မခံနိုင်၍ ပြည်သူ့ဘက်တော်သားအဖြစ် ရပ်တည်ရန် အရဲစွန့်ပြီး ပြည်သူနှင့်အတူပူးပေါင်းလာသော ဗိုလ်ကြီးဇေသူအောင်နှင့် မိသားစုအား ကောင်းမွန်စွာကြိုဆိုလက်ခံပြီး လုံခြုံသည့်နေရာသို့ စီစဉ်ပေးခဲ့ကြောင်း ထုတ်ပြန်သည်။
Public Service Announcement
CDM ပြုလုပ်သူ လေတပ်ဗိုလ်ကြီးဇေသူအောင်သည် အကြမ်းဖက်စစ်ကောင်စီတပ်မှ ဥပဒေမဲ့အာဏာသိမ်းယူပြီးနောက်ပိုင်းတွင် ပထမဦးဆုံး လေတပ်အရာရှိတစ်ဦးဖြစ်ကြောင်း၊ ဆက်လက်၍ ပြည်သူလူထုနှင့် တစ်သားထဲ ပူးပေါင်းပါဝင်လိုသော စစ်ကောင်စီတပ်ဖွဲ့ဝင်များကိုလည်း နွေးထွေးစွာကြိုဆိုလက်ခံရန် အသင့်ရှိကြောင်း ဒီးမော့ဆို PDFက ဖိတ်ခေါ်ထားသည်။
