ယောဒေသတွင် မတ်လ၇ရက်မှ မတ်လ ၉ရက်အထိ သုံးရက်ကြာတိုက်ပွဲ အတွင်း အကြမ်းဖက် စစ်ကောင်စီဘက်က ၂၀ဦးထက် မနည်းသေဆုံးကြောင်း ဆောမြို့နယ် ပြည်သူ့ကာကွယ် ရေးတပ်ဖွဲ့(PDF-SAW)က သတင်းထုတ်ပြန် သည်။
မတ်လ ၇ရက်မှ မတ်လ ၉ရက် နံနက် ၁၁နာရီခန့်အချိန်ထိဖြစ်ပွားခဲ့သည့် တိုက်ပွဲသတင်းကို PDF-SAWက ယနေ့ထုတ်ပြန်ခြင်း ဖြစ်သည်။ PDF-SAW နှင့်အတူ ပြည်သူ့ကာကွယ်ရေး မဟာမိတ်အဖွဲ့များက ပူးပေါင်းတိုက်ခိုက် ခဲ့သည်ဟုလည်း ပြည်သူလူထုအား အသိပေးထားသည်။
PDF-SAWနှင့် မဟာမိတ်ကာကွယ်ရေးတပ်ဖွဲ့ဝင်များအားလုံး ထိခိုက်မှု တစုံတစ်ရာမရှိခဲ့ဘဲ ထုတ်ပြန်ချက် အသေးစိတ်ကို မကြာမီထပ်မံ ထုတ်ပြန် ပေးသွားမည်ဟု အသိပေးထားသည်။
ယောဒေသတွင် ယခုရက်ပိုင်း တိုက်ပွဲများအပြင်းအထန်ဖြစ်ခဲ့သလို ဒေသချင်း ထိစပ်နေသော ကလေးမြို့နယ်တွင်လည်း တိုက်ပွဲဖြစ်နေသည်။
Public Service Announcement
