ရှမ်း – ကယားပြည်နယ် နယ်စပ် ဖယ်ခုံမြို့နယ်တွင် ယနေ့တိုက်ပွဲဖြစ်ပွားရာ စစ်ကောင်စီတပ်နှင့် ပြည်သူ့ကာကွယ် ရေးပူးပေါင်း ပူးပေါင်းတပ်ဖွဲ့များ နှစ်ဖက် ထိခိုက်မှုရှိနေကြောင်း ဖယ်ခုံပြည်သူ့ကာကွယ်ရေးတပ်(PDF)က သတင်းထုတ်ပြန်သည်။
မတ်လ ၁၆ရက် နံနက် ၈နာရီမှစ၍ ဖယ်ခုံမြို့နယ်ဆောင်ကန်းရွာသို့စစ်ကောင်စီတပ်မှ စစ်ကြောင်းထိုးလာ၍ တိုက်ပွဲဖြစ်ပွားလျက်ရှိသည်ဟု ဖယ်ခုံ PDFက ယနေ့မွန်းလွဲ၃နာရီခွဲတွင် သတင်းထုတ်ပြန်သည်။
စစ်ကောင်စီတပ်သည် ဖေဖော်ဝါရီ ၁၆ရက်မှစ၍ ဖယ်ခုံမြို့နယ် မိုးဗြဲဒေသသို့ထိုးစစ်ဆင်ခဲ့ရာ ကရင်နီဒေသ တော်လှန်ရေးတပ်ဖွဲ့များစုပေါင်းခုခံတိုက်ခိုက်ခဲ့သည်။ ဖေဖော်ဝါရီလလယ်မှ လက်ရှိအချိန်ထိ မိုးဗြဲ၊ ဖယ်ခုံ၊ဒီးမော့ဆို ဒေသများ၌ တစ်လအတွင်း တိုက်ပွဲများနေ့စဉ်လိုလိုဖြစ်ပွားခဲ့သည်။
တိုက်ပွဲတွင် နှစ်ဖက်ထိခိုက်ကျဆုံးမှုများရှိခဲ့ပြီးပိုမိုအထိနာသည့် စစ်ကောင်စီတပ်က လေကြောင်း တိုက်ခိုက်မှု အကြိမ်ကြိမ်ပြုလုပ်ခဲ့သည်။ထို့ပြင် လက်နက်ကြီးများအလွန်အကျွံပစ်ခတ်ခြင်း၊ တင့်ကားများ၊အတွဲလိုက်ပစ်ရော့ကဒ်ဒုံးများ အသုံးပြု တိုက်ခိုက်ခဲ့သည်ဟု ဒေသကာကွယ်ရေးတပ်များက ထုတ်ပြန်ထားသည်။
Public Service Announcement
