ဒီးမော့ဆိုတွင် PDF လက်ဖြောင့်တပ်သားများတိုက်ခိုက် ၍ အရာရှိအပါအဝင် စစ်ကောင်စီတပ်မှ ​ခြောက်ဦး​သေ

ကရင်နီ(ကယား)ပြည်နယ် ဒီးမော့ဆိုမြို့နယ် အိုးခူးရီး ရွာ၌ တပ်စွဲထားသည့် စစ်ကောင်စီတပ်ကို တိုက်ခိုက်ခဲ့ရာ စစ်ကောင်စီတပ်မှ ​ခြောက်ဦးသေဆုံးခဲ့သည်ဟု အလယ်ပိုင်းတိုင်း အထူးစစ်ဆင်ရေးအဖွဲ့က သတင်းထုတ်ပြန်သည်။

အလယ်ပိုင်းတိုင်း အထူးစစ်ဆင်ရေး စနိုက်ပါတပ်ဖွဲ့နှင့် လွိုင်ကော်ပြည်သူ့ကာကွယ်ရေးတပ်(PDF) စနိုက်ပါ တပ်ဖွဲ့တို့ ပူးပေါင်း တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။

အဆိုပါ စနိုက်ပါ ပူးပေါင်းတပ်ဖွဲ့၏ တိုက်ခိုက်မှုကြောင့် သေဆုံးသွားသည့် စစ်ကောင်စီတပ်ဖွဲ့ဝင်များထဲတွင် အရာရှိတစ်ဦး ပါဝင်ပြီး ၎င်းသေဆုံးပြီး မကြာမီတွင် အလောင်းကို ရဟတ်ယာဉ်ဖြင့် လာရောက် သယ်ဆောင်သွားသည်ဟု အလယ်ပိုင်းတိုင်း အထူးစစ်ဆင်ရေး တပ်ဖွဲ့က ထုတ်ပြန်သည်။

အလယ်ပိုင်းတိုင်း အထူးစစ်ဆင်ရေးအဖွဲ့သည် ကရင်နီ ဒေသတိုက်ပွဲများ၌ အခြားသော တော်လှန်ရေးတပ်များဖြင့် ပူးပေါင်းပြီး စစ်ကောင်စီတပ်ကို ခုခံတိုက်ခိုက်နေသည့် လက်နက်ကိုင် တပ်ဖွဲ့ဖြစ်သည်။

Public Service Announcement