မင်းကင်း ​တောင်တွင်း​ချောင်းရွာမှစစ်​ကောင်စီတပ်ကို​ဒေသခံPDFများတိုက်ခိုက်​စစ်သား ၁၀ ဦးခန့်​သေ

စစ်ကိုင်းတိုင်း၊မင်းကင်းမြို့နယ်၊တောင်တွင်းချောင်းရွာတွင် တပ်ဆွဲထားသည့် စစ်ကောင်စီတပ်ကို ပြည်သူ့ကာကွယ်ရေးပူးပေါင်းတပ်များဝင်ရောက်တိုက်ခိုက်နေပြီး စစ်ကောင်စီတပ် သား ၁၀ ဦးခန့်သေဆုံးနိုင်ကြောင်း KLG PDF တာဝန်ရှိသူက လူထုနွေဦးသို့ ပြောသည်။

ယနေ့(မတ်လ ၂၃ ရက်) နံနက် ၅ နာရီ ခွဲခန့်က စတင်ခဲ့သည့်တိုက်ပွဲတွင် KLG PDF ရွှေသမင်မုဆိုးPDF ၊ ရွှေတြိဂံPDF ကနီတပ်ရင်း(၂)နှင့် ဒေသခံမဟာမိတ်များ ပူးပေါင်းတိုက်ခိုက်နေခြင်းဖြစ်သည်။

“အခုတိုက်နေတဲ့နေရာမှာက စခ အင်အား ၁၀၀ ဝန်းကျင်လောက်ရှိတယ်။မြေပြင် သတင်းအချက်အလက်အရ ဆို ကျွန်တော်တို့ဘက် က သုံးယောက် ကျည်ထိထားတယ်။မစိုးရိမ်ရဘူး။ စခ ဘက်က ၁၀ ယောက်လောက် သေတယ်လို့ သတင်းရထားတယ်”ဟု အထက်ပါတာဝန်ရှိသူကဆက်လက် ပြောသည်။

တိုက်ပွဲမှာ ယနေ့ နံနက် ၇ နာရီခွဲအထိပြင်းထန်ခဲ့ပြီးနောက်ခေတ္တရပ်နားထားသော်လည်း အပြန်အလှန်ပစ်ခတ်မှု အချို့ရှိသေးကြောင်းလည်း ၎င်း က ဆက်ပြောသည်။

Public Service Announcement

ကနီမြို့နယ် ပြည်သူ့ကာကွယ်ရေးတပ်ဖွဲ့ ကျောက်လုံးကြီး (KLG PDF)သည် ကနီမြို့နယ် အပါအဝင်ဒေသတွင်းမဟာမိတ်တပ်ဖွဲ့များနှင့်ပူးပေါင်းကာယင်းမာပင်၊မင်းကင်း မြို့နယ်များတွင်ပါစစ်ကောင်စီကိုခုခံတိုက်ခိုက်လျှက်ရှိသည်။