ကရင်အမျိုးသားအစည်းအရုံး(KNU) ဒူးပလာယာခရိုင် နို့တကောမြို့နယ်(ကြာအင်းဆိပ်ကြီးမြို့နယ်)တွင်နှစ်ရက်ဆက် တိုက်ပွဲဖြစ်ပွားပြီး အာဏာသိမ်းစစ်ကောင်စီတပ်မှ လေးဦးသေဆုံးကာ ဒုတပ်ရင်းမှူး အပါအဝင် သုံးဦးဒဏ်ရာရရှိခဲ့ကြောင်း ဒူးပလာယာခရိုင်က သတင်းထုတ်ပြန်သည်။
မတ်လ ၂၄ရက်က ကြာအင်းဆိပ်ကြီးမြို့နယ် ရွှေဒိုးရွာ သင်္ချိုင်းကုန်း အနီး၌ KNLA တပ်ရင်း(၁၇) နှင့် စစ်ကောင်စီတပ်တို့ မိနစ်အနည်းငယ်ကြာ တိုက်ပွဲဖြစ်ခဲ့ရာ စစ်ကောင်စီတပ်မှ နှစ်ဦးသေဆုံးပြီး တစ်ဦးဒဏ်ရာရရှိခဲ့သည်ဟု ဆိုသည်။
မတ်လ ၂၃ရက်ကလည်း မော်လမြိုင်မှ တက်လာသည့် စစ်ကောင်စီတပ်ယာဉ်တန်းကို KNLA တပ်ရင်း(၁၇)က တိုက်ခိုက်ခဲ့ရာ သံပုရာကျေးရွာအပြင်ဘက်၌ တိုက်ပွဲဖြစ်ခဲ့ကြောင်း ၊ ယင်းတိုက်ပွဲတွင် အာဏာသိမ်းစစ်ကောင်စီတပ်မှ နှစ်ဦးသေဆုံးကာ ဒုတပ်ရင်းမှူးအပါအဝင် နှစ်ဦးထိခိုက်ဒဏ်ရာရခဲ့ကြောင်း ဒူးပလာယာခရိုင်က သတင်းထုတ်ပြန်သည်။
KNU ဒူးပလာယာခရိုင် နယ်မြေ လေးကေ့ကော်ဒေသနှင့် ကော့ကရိတ်ဒေသတို့၌လည်း စစ်ကောင်စီတပ်နှင့် တိုက်ပွဲများ မကြာခဏ ဖြစ်ပွားလျက်ရှိသည်။
Public Service Announcement
