မကွေးတိုင်း ထီးလင်းမြို့နယ်တွင် စစ်ကြောင်းထွက်လာသည့် အကြမ်းဖက် စစ်ကောင်စီတပ်နှင့် YDF ထီးလင်းတို့ တိုက်ပွဲဖြစ်ပွားနေကြောင်း ပြည်သူ့ အုပ်ချုပ်ရေးအဖွဲ့(ထီးလင်း)က ထုတ်ပြန်သည်။
ယနေ့(ဧပြီ ၁ရက်)နေ့လယ် ၁၁နာရီခန့်တွင် ထန်းပင်ကုန်းရွာနှင့် ဝက်သက်ရွာ ကြားတွင် ထိတွေ့မှုဖြစ်ရာတွင် အပြန်အလှန်ပစ်ခတ်ပြီး YDFထီးလင်းဘက်မှထိ ခိုက်မှုမရှိဆုတ်ခွာနိုင်ခဲ့ကြောင်း ဖော်ပြသည်။
“မတ် ၂၉ထဲက ထီးလင်းမြို့ထဲကို စခ ထပ်တိုးတွေရောက်တာပေါ့။အင်အား ၁၀၀ ကျော် လောက်နဲ့ ဒီနေ့ စစ်ကြောင်းစထိုးတယ်။စခတွေရဲ့ အသေ အပျောက်တော့ မသိရသေးဘူး”ဟု YDFထီးလင်း၏ တာဝန်ရှိသူက People’s Spring သို့ ပြောသည်။
ယနေ့ ညနေ ၃နာရီခန့်တွင် စစ်ကောင်စီတပ်မှ ဝက်သက်ရွာအရှေ့ပြင်သို့ စတင်ဝင်ရောက်နေသည့်အတွက် ပြည်သူများတိမ်းရှောင်နေရသည်ဟု ဆိုသည်။
Public Service Announcement
ထို့အပြင် ဝက်သက်ကျေးရွာအနီးတစ်ဝိုက်မှ အခြားကျေးရွာနေ ပြည်သူများ အနေဖြင့် ဂရုတစိုက်သွားလာနေထိုင်ကြရန် ပြည်သူ့အုပ်ချုပ်ရေးအဖွဲ့ (ထီးလင်း)က တိုက်တွန်းသည်။
