'/%3E%3C/svg%3E){kind=small}
မကွေးတိုင်းဒေသကြီးအတွင်းရှိ မြို့နယ် ၁၃ခုမှ ပြည်သူ့ကာကွယ်ရေးတပ်ဖွဲ့(PDF)များကို စုစည်း၍ မကွေးတိုင်းဒေသကြီးတပ်မတော်(MDA)ကို ယနေ့ ဖွဲ့စည်းလိုက်ကြောင်း MDA က ထုတ်ပြန်ခဲ့သည်။
MDA ပါဝင်သည့် PDF ၁၃ ခုမှာ မကွေး၊ မင်းဘူး-စကု၊ ရေနံချောင်း၊ နတ်မောက်၊ တောင်တွင်းကြီး၊ ချောက်၊ ဆောင်ပေါင်ဝဲ၊ မင်းလှ၊ စလင်း၊ ငဖဲ၊ ပွင့်ဖြူ၊ မြို့သစ်နှင့် စေတုတ္တရာ မြို့နယ်များဖြစ်သည်။
အဆိုပါ မဟာမိတ်တပ်ဖွဲ့များအနေဖြင့် စစ်အာဏာရှင်စနစ် ပျက်သုဉ်းသည်အထိ တိုက်ပွဲဝင်သွားမည်ဟု MDA က ဆိုသည်။
“မကွေးတိုင်းကတော့ ၂၅ မြို့နယ်ရှိတာကို ဒီ ၁၃မြို့နယ်ကို ဖွဲ့စည်းပြီးဖြစ်ကြောင်း သတင်းတင်တာပါ။ အခုကတော့ ဘာမှ ဖော်ဆောင်တာမရှိသေးဘူး။ ဒီအဖွဲ့ဖွဲ့ထားတာပဲရှိသေးတယ်။ လတ်တလော အနေအထားအရ ဒါတွေက ပြောလို့မရဘူး။ ဖွဲ့ထားတယ်ဆိုတာ တရားဝင်ကြေညာတာပါ” ဟု မကွေးတိုင်းဒေသကြီးရှိ မြို့နယ်တစ်ခုမှ တာဝန်ရှိသူတစ်ဦးကပြောသည်။
လုံခြုံရေးအခြေအနေများအရ အသေးစိတ်အချက်အလက်များ ဖော်ပြရန်မရှိဟု ၎င်းက ဆိုသည်။
Public Service Announcement
စစ်တပ်အာဏာသိမ်းပြီးနောက်ပိုင်း ငြိမ်းချမ်းစွာဖြင့် စစ်အာဏာရှင်ဆန့်ကျင်ရေး ဆန္ဒပြပြည်သူများကို စစ်တပ်က အကြမ်းဖက်ပစ်ခတ်သတ်ဖြတ်ခဲ့ခြင်းကြောင့် လူငယ်အများစုဖြင့် စုဖွဲ့ထားသည့် ဒေသအသီးသီးမှ PDF များသည် စစ်ကော်စီကို ရရာလက်နက်စွဲကိုင်တော်လှန်မှုများ မကြာခဏ ပြုလုပ်လျက်ရှိသည်။
