ကချင်ပြည်နယ် မြစ်ကြီးနားမြို့တွင် စစ်ကောင်စီက ပြုလုပ်နေသည့်လမ်းလျှောက်သင်္ကြန်နေရာတွင် ယနေ့ သင်္ကြန်အကြတ်နေ့ ညနေက သေနတ်ပစ်ခတ်မှုဖြစ်ပွားခဲ့ပြီးပွဲလည်း ပျက်သွားခဲ့သည်။
လမ်းလျှောက်သင်္ကြန် ပြုလုပ်နေသည့်မြစ်ကြီးနား မြို့ ပြည်သူ့အားကစားကွင်းတွင် ညနေ ၅နာရီခန့်က ပစ်ခတ်မှုဖြစ်ခဲ့ခြင်းဖြစ်သည်။
“လူအရမ်းစည်နေတဲ့အချိန် ကားတစ်စီးကရောက် လာပြီး သေနတ်တွေနဲ့ ပစ်တာ။ စစ်ခွေးတွေဘက်ကို ပစ်တာလို့ ပြောကြတယ်။ အထိအခိုက် ရှိမရှိတော့ မသိဘူး” ဟု ဌာနဆိုင်ရာဝန်ထမ်းတစ်ဦးက ပြောသည်။
ပစ်ခတ်မှုဖြစ်ပြီးနောက် စင်ပေါ်နှင့်စင်အောက်မှ လူအများအပြား ထွက်ပြေးကြကြောင်းနှင့် ပွဲလည်းပျက်သွားကြောင်း မြို့ခံများက ပြောသည်။
Public Service Announcement
မြစ်ကြီးနားလမ်းလျှောက်သင်္ကြန်တွင် အဆိုတော် နောနော်နှင့် Lဆိုင်းဇီတို့က စစ်ကောင်စီအလိုကျလာရောက်ဖျော်ဖြေနေ၍ ကချင်တိုင်းရင်းသားများက ဝေဖန်းရှုတ်ချနေကြသည်။
“လူတကာ စိတ်ညစ်နေချိန် အော်ဟစ်ဆူညံနေကြတာ။ ဘယ်သူကမှ လာမပစ်ဘူးထင်နေတာ။အခုလို လာပစ်တော့ ဘယ်အဖွဲ့ကလာပစ်ပစ် ကျေးဇူးတင်တယ်”ဟု မြို့ခံတစ်ဦးက ပြောသည်။
