'/%3E%3C/svg%3E){kind=small}
အာဏာသိမ်းပြီးတဲ့နောက် စစ်ကောင်စီ ဆောက်လုပ်ပြီး ဖွင့်လှစ်လိုက်တဲ့ မန္တလေး နန်းမြို့ရိုးဘေးက ရတနာပုံဥယျာဉ်ကိုလာရောက်လည်ပတ်သူမရှိတဲ့အတွက် မန္တလေးစည်ပင်က ဖိတ်ခေါ်နေပါတယ်။
မြို့ရိုးဘေး မှာ ဖွင့်လှစ်ထားတဲ့ အဲဒီ ဥယျာဉ်ကို ပြည်သူတွေ လာရောက်အပန်းဖြေနိုင်တယ်လို့ စည်ပင်ရဲ့ ဖေ့ဘွတ်ခ်ကနေ ဖိတ်ခေါ်ထားတာပါ။
အဲဒီဥယျာဉ် ကို သွားရောက်လည်ပတ်မယ်ဆိုရင် စစ်ဆေးမှုရှိမယ်လို့လည်း စစ်ကောင်စီက သတင်းထုတ်ပြန်ပါတယ်။
မန္တလေးမြို့ခံတစ်ဦးကတော့ မြို့လူထုဟာ စစ်ကောင်စီ ဆောက်လုပ်ထားတဲ့ ဥယျာဉ်ဖြစ်တဲ့အတွက် ရှောင်ကြဉ်ကြတာလို့ ပြောပါတယ်။
Public Service Announcement
“အရင်(NLDအစိုးရ) လုပ်သွားတဲ့ ကျုံးရှေ့က နေရာဆို လူကြိတ်ကြိတ်တိုးခဲ့တာပဲ ၊ အခု ရတနာပုံဥယျာဉ်မှာစစ်ဆေးရေးတွေရှိတာထက် သူတို့လုပ်တဲ့နေရာဆို ဘယ်နေရာမှကိုမသွားကြတာပဲ” အဲဒီမန္တလေးမြို့ခံက ဆိုပါတယ်။
အာဏာသိမ်းပြီးနောက် စစ်အုပ်စုဟာ ဘတ်ဂျက်ငွေ အမြောက်အများသုံးစွဲကာ ရတနာပုံဥယျာဉ်ကိုဆောက်လုပ်ပြီး သင်္ကြန်အကြိုနေ့ကဖွင့်ပွဲပြုလုပ်ခဲ့တာဖြစ်ပါတယ်။
