မြောင်သို့ အင်အားလာဖြည့်သော စစ်ကောင်စီတပ် နှစ်ကြိမ်မိုင်းဆွဲတိုက်ခိုက်ခံရ၊ နှစ်ဦးသေပြီး လေးဦးဒဏ်ရာပြင်းထန်

မြောင်မြို့နယ်သို့ လက်နက်ခဲယမ်းနှင့် အင်အားလာဖြည့်သော စစ်ကောင်စီတပ်စစ်ကြောင်းကို နှစ်ကြိမ်မိုင်းဆွဲတိုက်ခိုက်ခဲ့ကြောင်း မြောင်မြို့နယ် တော်လှန်ရေးတပ်(MRA)က ယနေ့(မေ ၃)ထုတ်ပြန်သည်။

တိုက်ခိုက်မှုများအနက် စစ်ကောင်စီတပ်စစ်ကြောင်းမှာ ​မြောင်သို့အလာတွင် မရိုးကုန်း​ကျေးရွာအဝင်၌ မိုင်းဆွဲတိုက်ခိုက်ခဲ့ရာ စစ်ကောင်စီဘက်မှ နှစ်ဦးသေဆုံးပြီး လေးဦးဒဏ်ရာရသည့်အပြင် ဒဏ်ရာရသူနှစ်ဦးမှာ သေဆုံးနိုင်ကြောင်း ဖော်ပြသည်။

အလားတူ အဆိုပါစစ်ကြောင်းအား မြို့မှအပြန်လမ်းတွင် ကျောက်ဖူးကုန်းနှင့် အညွန့်ကျေးရွာကြားတွင် ဒုတိယအကြိမ် မိုင်းဆွဲတိုက်ခိုက်ခဲ့ကြောင်း ထုတ်ပြန်သည်။

ယင်းတိုက်ခိုက်မှုအတွင်း စစ်ကောင်စီတပ်သားများ ထိခိုက်သေဆုံးရှိသော်လည်း အရေးအတွက်အား အတည်မပြုနိုင်းသေးဟု MRAက အသိပေးသည်။

Public Service Announcement

ထို့အပြင် တော်လှန်ရေးအင်အားစုများအနေဖြင့် အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထုတ်ပြန်ထားသည်။