စစ်​ကောင်စီ၏ ကပစ ၂၃မှတပ်ကြပ်ကြီး လက်နက်ခဲယမ်းအပြည့်အစုံဖြင့် ပြည်သူ့ထံအလင်းဝင်

စစ်ကောင်စီတပ်၏ ကပစ (ကာကွယ်​ရေးပစ္စည်းစက်ရုံ) ၂၃ မှ တပ်ကြပ်ကြီး သန်းနိုင်စိုးသည် ​မေလ ၁၂ ရက်တွင်လက်နက်အပြည့်အစုံဖြင့် YDF နှင့် ဆက်သွယ်ကာပြည်သူ့ထံ အလင်းဝင်လာ​ကြောင်း ​ယော​ဒေသကာကွယ်​ရေးတပ်-YDF ကသတင်းထုတ်ပြန်သည်။

တပ်ကြပ်ကြီး သန်းနိုင်စိုးနှင့်အတူ MA 1 သေနတ် တစ်လက်၊ ကျည်အိမ် ၄ ခု၊ ကျည်တောင့် ၂၂၈ တောင့်နှင့်အတူ အကြမ်းဖက် စစ်ကောင်စီ၏ ယုတ်မာမှုများအပေါ် ဆက်လက် ပါဝင် ပူးပေါင်းနိုင်ခြင်း မရှိတော့ခြင်းကြောင့် ပြည်သူထံ အလင်းဝင်လာခဲ့ခြင်း ဖြစ်သည်ဟု​ဖော်ပြထားသည်။

တပ်ကြပ်ကြီး သန်းနိုင်စိုးအား လိုအပ်သည့် ထောက်ပံ့ကြေးများနှင့် လုံခြုံသည့်နေရာသို့ ပို့ဆောင်ပေးရန် YDF မှ စီစဉ်နေလျက် ရှိ​ကြောင်းလည်းပါရှိသည်။

အကြမ်းဖက်စစ်​ကောင်စီကိုစွန့်ခွာပြီး ပြည်သူ့ရင်ခွင်ခိုလှုံ့လာ​သောတပ်မ​တော်သားနှင့် ရပ်တပ်ဖွဲ့ဝင်​ပေါင်း ၁၅၀၀၀ ​ကျော်ရှိလာပြီး ယခုလပိုင်းအတွင်း ​ရှေ့တန်းမှ လာ​ရောက်၍ ပြည်သူ့ရင်ခွင်ခိုလှုံ့လာသူပိုများလာ​ကြောင်းလည်းသိရသည်။

Public Service Announcement