စစ်ကောင်စီယန္တရားလည်ပတ်မှုတွင် အဓိကနေရာမှ ပါဝင်ဆောင်ရွက်နေသည့် လေရှီးမြို့နယ်အထွေထွအုပ်ချုပ်ရေးဦးစီးဌာန၏ရုံးဝန်းအတွင်း ဖောက်ခွဲ သတိပေးမှု လုပ်ဆောင်ခဲ့ကြောင်း နာဂပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။
မေလ ၉ရက်တွင် ပြုလုပ်ခဲ့သည့် ဖောက်ခွဲသတိပေးမှုသည် ထိခိုက်ပျက်စီးမှုအနည်းဆုံးဖြစ်အောင် လုပ် ဆောင်ခဲ့ခြင်းဖြစ်သည်ဟု ဆိုသည်။
လေရှီးမြို့နယ် အထွေထွေအုပ်ချုပ်ရေးဦးစီးဌာနသည် အကြမ်းဖက်စစ်ကောင်စီ၏ ပြည်သူလူထုအပေါ် မတရားသော ဖိနှိပ်ချုပ်ချယ်မှုများတွင် အလိုတူပါဝင်နေခြင်း၊ ပြည်သူနှင့်အတူရပ်တည်သော CDM ဝန်ထမ်းများအား အမျိုးမျိုးသော ဖိအားပေးမှုများလုပ်ဆောင်ခြင်း၊ နာဂ PDF၏ ဒေသတွင်းလုပ်ရှားမှုသတင်းအချက် အလက်များကို ရပ်၊ကျေးစာရေး၊ အုပ်ချုပ်ရေးမှူးများမှတဆင့်ရယူပြီး စစ်ကောင်စီသို့ပေးပို့ခြင်းစသောလုပ်ဆောင်ချက်များကိုအစဉ်တစိုက် လုပ်ဆောင်နေသောကြောင့် ယခုကဲ့သို့ သတိပေးခဲ့သည်ဟု ထုတ်ပြန် သည်။
နောက်ထပ် Mission တစ်ခုလုပ်ဆောင်ရန် စီစဉ်ခဲ့သော်လည်း နာဂ PDFတပ်ဖွဲ့၏ လုံခြုံရေးအခြေအနေကြောင့် လုပ်ဆောင်နိုင်ခြင်းမရှိခဲ့ကြောင်း ဖော်ပြထားသည်။
Public Service Announcement
ထို့ပြင် နာဂဒေသရှိ CCTVတပ်ထားသော ဆိုင်များနှင့် အိမ်များအနေဖြင့် မိမိတို့ ဆိုင်၊အိမ်ဘက်သို့ လှည့်၍တပ်ဆင်ပေးကြရန်နှင့် လမ်းဘက်သို့လှည့်၍တပ်ဆင်ထားသော CCTVများအား ဖြုတ်သိမ်းထားပေးပါရန် နာဂ PDFက မေတ္တာရပ်ခံခဲ့သည်။ လိုက်နာဆောင်ရွက်ခြင်းမရှိပါက နောက်ဆက်တွဲ ပြဿနာများအား ဆိုင်၊အိမ်များသည် တာဝန်ခံရမည်ဟုလည်း သတိပေးထားသည်။
